Магілёўскія студэнты распрацавалі шахматы ў выглядзе вядомых славутасцяў Беларусі.

Ёсць і гомельская цікавостка
Аўтары праекта – студэнты чацвёртага курса архітэктурна-будаўнічага каледжа Анастасія Целяпнёва і Мікіта Твардоўскі.
Яны натхніліся архітэктурнай спадчынай краіны і распрацавалі фігуркі ў выглядзе будынкаў, якія можна ўбачыць у Мінску і абласцях.
Паведамляецца, што пешку зрабілі ў выглядзе Брэсцкай крэпасці (хаця яна больш нагадвае Камянецкую вежу), конь – магілёўская Ратуша, а ладдзя – віцебская Ратуша.
Гомельская капліца-пахавальня стала сланом. Ферзя выканалі ў выглядзе касцёла Святой Троіцы (падпісана, што такі ёсць у Гродна, але хутчэй за ўсё маецца на ўвазе кацёл у Гервятах Гродзенскай вобласці).
А кароль – адзін з будынкаў так званай брамы Мінска ля вакзала.
Вось такі нестандартны падыход да вывучэння архітэктуры Беларусі праз гульню. Падзяліцеся гэтай навіной з тымі, хто любіць крэатыўныя ідэі😉
Фота: mogilevnews
Крыніца: https://t.me/mogilevnewsby/109022