Раку з кракадзіламі ўхвалілі для спаборніцтваў па веславанні на Летняй Алімпіядзе ў Аўстраліі🐊

Рака Фіцрой у аўстралійскім штаце Квінсленд – найбуйнейшая рака, якая ўпадае ў Вялікі Бар'ерны рыф і славіцца лоўляй белага марскога окуня, кракадзіламі і вяслярнай трасай.
Яна прайшла папярэднія выпрабаванні па прыдатнасці ў якасці месца правядзення Алімпійскіх і Паралімпійскіх гульняў па веславанні ў 2032 годзе.
Гэта быў спрэчны выбар, бо па меркаванні нацыянальных і міжнародных арганізацый вадаём не адпавядае тэхнічным стандартам.
Нягледзячы на тое, што Кансультацыйны камітэт па спадчыне вяслярных відаў спорту пацвердзіў, што Фіцрой паспяхова прайшла першасную праверку Незалежнага органа па інфраструктуры і каардынацыі Гульняў (GIICA), канчатковае рашэнне прымуць
пасля тэхнічнай ацэнкі Міжнароднай федэрацыі вяслярнага спорту. Там турбуюцца, ці не занадта моцная плынь у рацэ Фіцрой. У арганізацыі таксама плануюць вывучыць мясцовую папуляцыю кракадзілаў.
Прэм'ер-міністр Квінсленда Дэвід Крысафулі падкрэсліў, што пры ўхваленні ракі ўлады забяспечаць бяспеку спартсменаў і гледачоў, уключаючы кантроль колькасці кракадзілаў.
Летняя Алімпіяда-2032 пройдзе з 23 ліпеня па 8 жніўня ў Брысбене і па ўсім штаце Квінсленд.
Крыніца: https://www.abc.net.au/news/2025-10-21/rockhampton-fitzroy-river-2032-brisbane-olympics-giica-testing/105915800