Кім Кардаш'ян выпусціла правакацыйныя стрынгі з «валосікамі»

Амерыканская зорка зноў хайпанула. Яе брэнд ніжняй бялізны SKIMS прадставіў, бадай, самую неадназначную калекцыю ў гісторыі маркі.
Новая лінія майткоў называецца Faux Hair Panty. Яна адметная тым, што на пярэдняй частцы стрынгаў ёсць імітацыя натуральных валасоў. Слоган гучыць таксама правакацыйна: «З нашай смелай новай калекцыяй Faux Hair Panty ваш «дыван» можа быць любога колеру, якога захочаце».
У лінейцы дванаццаць адценняў ад светлага блонду да насычанага карычневага колеру са штучнымі прамымі і кучаравымі «валосікамі». Кошт – 32 долары (каля 100 рублёў).
Кардаш'ян прадставіла гэтую калекцыю з пасланнем, што «эпоха гладкай скуры» сыходзіць у мінулае. Але тады ўзнікае пытанне – навошта плаціць за пухнатыя майткі, калі можна проста не галіць зону бікіні бясплатна?
Крыніца: https://people.com/kim-kardashian-addresses-attention-around-new-skims-full-bush-faux-pubic-hair-underwear-11832419