Матацыкл Папы Рымскага прадалі праз аўкцыён за 156 тысяч еўра

Эксклюзіўны BMW R 18 Transcontinental 2024 Папа Рымскі Леў XIV атрымаў у падарунак ад Jesus Bikers у верасні 2025 года. Гэта хрысціянская байкерская суполка з Германіі. Матацыкл стварыла кампанія Motorrad Witzel па спецзаказе: яго пафарбавалі ў белы колер як папамабіль. Яшчэ адна яго адметнасць – аўтограф пантыфіка на бензабаку.
Транспарт прадалі праз аўкцыён RM Sotheby's у Мюнхене за 156 тысяч еўра.
У аўкцыённым доме адзначылі, што атрыманыя ад продажу грошы пойдуць на падтрымку дзейнасці Missio Austria. Гэтая арганізацыя знаходзіцца пад патранажам Папы Рымскага і аказвае дапамогу дзецям Мадагаскара.
Фота: RM Sotheby's
Крыніца: https://rmsothebys.com/auctions/mu25/lots/r0033-2024-bmw-r-18-transcontinental/