У мікрараёне «Стары аэрадром» заўважылі лісу

У раённым чаціку захваляваліся – каля дома №5 па вуліцы 50 гадоў БССР мясцовыя жыхары сфатаграфавалі лісу.
Гамяльчане ўжо звярнуліся ў службы, але пакуль невядома, што будзе далей. На фота звярок выглядае добра, але такія паводзіны для лясных жывёлаў нетыповыя і могуць сведчыць пра шаленства.
Падыходзіць да лісы і намагацца кантактаваць з ёю можа быць небяспечна. Варта парупіцца і пра сваіх хатніх гадаванцаў, якія гуляюць па раёне.
Дашліце гэтую навіну сваім суседзям, каб яны таксама ведалі пра сітуацыю🤝
Раней «Моцныя Навіны» пісалі пра лісу каля ГЦ «Кристall».
Фота: чат «Старый Аэродром»