Гамяльчанін вылавіў у сажалцы «Фестывальнага» афрыканскую рыбку.

Як яна туды трапіла?
Аляксей Белавусаў увечары пайшоў рыбачыць у сажалцы парку «Фестывальны». І нечакана злавіў вельмі экзатычную для іхтыяфауны Беларусі рыбку – вонкава яна нагадвае hemichromis bimaculatus (хроміс-прыгажун).
Пасля рыбалкі мужчына пачаў шукаць у інтэрнэце, што за незвычайная рыба трапілася на кручок. Вызначылася, што яе звычайна гадуюць у акварыюмах. А ў дзікай прыродзе яна водзіцца ў афрыканскіх рэках кшталту Ніла, Конга і Нігера. Верагодна, што ў вадаём яе выпусцілі з акварыюма.
Рыбалоў лічыць, што пазбаўляцца ад хатніх гадаванцаў такім чынам – не найлепшае рашэнне як з маральнага пункту гледжання, так і для мясцовай экалогіі. Тым больш што такая замежніца наўрад ці перажыве першае сур’ёзнае пахаладанне.
Фота: Аляксей Белавусаў
Крыніца: https://fishingby.com/news/na-gorodskom-prudu-rybolov-pojmal-ekzoticheskuyu-dlya-belarusi-afrikanskuyu-rybku/