«Заўсёды маўчыць, акуратная і чыстая».

У Мінску здаёцца кватэра разам з жывой бабуляю
Аднапакаёвую кватэру ў арэнду прапануюць у мікрараёне Малінаўка. У аб’яве напісана, што здаваць яе будуць толькі дзяўчыне або жанчыне, бо жыць прыйдзецца разам з бабуляю.
«Бабуля заўсёды маўчыць, нічым у кватэры не карыстаецца, практычна не ходзіць, акуратная і чыстая», – папярэджвае аўтарка аб’явы.
Гаспадыня прыходзіць два разы на дзень у кватэру, каб карміць пажылую жанчыну і зрабіць гігіенічныя працэдуры. Пры гэтым падкрэслівае, што можа прыходзіць у адсутнасць квартэранткі і спакой гарантуе.
Аднапакаёўка на ўскрайку Мінска каля МКАД плошчай у 33 квадратныя метры здаецца за 400 рублёў у месяц.
Крыніца: https://re.kufar.by/vi/minsk/snyat/kvartiru/1030286122