Беларускія валейбалісты правялі матч у кузаве «БелАЗа»

Незвычайны імправізаваны матч прайшоў у Жодзіна 27 верасня ў межах святкавання Дня машынабудаўніка. Беларускія валейбалісты Аляксандр Дзядкоў і Павал Пятрушка гулялі з расіянамі Дзмітрыем Верацюком і Вячаславам Красільнікавым ў кузаве 450-тонага самасвала «БелАЗ-75711» на вышыні трохпавярховага дома.
Беларуская федэрацыя валейбола падкрэслівае, што матч ладзіўся ў самым вялікім грузавіку ў свеце ўпершыню ў гісторыі. Спартсменаў даставілі на «спортпляцоўку» на адмысловым пад’ёмніку. Сустрэча скончылася з лікам 1:1.
Крыніца: https://t.me/vcminsk/13955