29 верасня ў Гомелі стартаваў Восеньскі пешы марафон.

Актыўным гамяльчанам абяцаюць падаруначкі
У межах месяца экалагічнага турызму аддзел спорту і турызму Гомельскага гарвыканкама, клуб скандынаўскай хадзьбы «Белые ходоки», Турыстычны інфацэнтр і фітнес-арганізацыі Гомеля ладзяць Восеньскі пешы марафон.
Ідэя такая: цягам 6 дзён з 29 верасня па 5 кастрычніка удзельнікі марафону павінны праходзіць кожны дзень па 7 кіламетраў. Неабавязкова быць у Гомелі – можна ісці па сваім горадзе, але ў канкрэтным прапанаваным стылі ў пэўны дзень.
Марафон прапануецца пачаць сёння з Гомельскага палацава-паркавага ансамбля і прайсці па парку ў бадзёрым, але камфортным тэмпе.
Для ўдзелу спатрэбіцца:
🔹 усталяваць любую фітнес-праграму, якая фіксуе крокі/кіламетры, тэмп, пульс, калорыі, трэк;
🔹 прайсці дыстанцыю ў 7 кіламетраў;
🔹 зрабіць фота на фоне прыроды, скульптур або архітэктуры;
🔹 і адправіць фота са скрыншотам трэка ў адмысловую групу да 22:00.
Турыстычны інфацэнтр Гомеля пасля выбера аўтара найлепшага фота і падорыць падарункі: сумку-шопер, тэрмакубак і нататнік.
Крыніца: https://t.me/gomelcitytravel/4302