27 верасня ў філіяле Веткаўскага музея адкрыецца выстава, прысвечанная фотамастаку Аляксею Смыку – «Ён так бачыў»

Жыццё фатографа Аляксея Смыка абарвалася 31 жніўня 2024 года. Разам з супрацоўнікамі Веткаўскага музея ён ездзіў у этнаграфічныя экспедыцыі – дакументаваў традыцыі і культуру беларусаў у фотаздымках, працаваў як валанцёр.
На выставе прадставяць здымкі якраз з адной з такіх экспедыцый – да старавераў заходняй Віцебшчыны ў 2021 годзе. Таксама можна будзе пабачыць фота з абрадаў «Звязда» і «Сула» ў вёсцы Маркавічы Гомельскага раёна, «Гуканне вясны» ў Гомелі, «Юраўскі карагод» у Пагосце Жыткавіцкага раёна, «Ваджэнне і пахаванне стралы» ў Стаўбуне Веткаўскага раёна, а таксама з святкавання Яблычнага Спаса і ткацкага летніка «Кросенцы» ў Неглюбцы Веткаўскага раёна.
Выстава адкрыецца ў 15:00 па адрасу плошча Леніна, 4а (гомельскі філіял Веткаўскага музея, у парку за саборам Пятра і Паўла). Уваход вольны.
#афиша_СН
Крыніца: https://www.instagram.com/p/DO-iyOmjeNB/?igsh=ZWtwODZuZHdzMDdw