Вежы знакамітага сабора Нотр-Дам зноў адчыніліся праз 6 гадоў пасля пажару

Пасля маштабнага пажару ў 2019 годзе сярэднявечныя вежы парыжскага храма былі закрытыя для наведвання на амаль 6 з паловай гадоў.
Цэнтральную частку сабора адкрылі раней – ў снежні 2024-га. Для рэстаўрацыі вежаў спатрэбілася больш часу.
Цяпер для наведвання цікавосткі дзейнічаюць адмысловыя правілы. Знаходзіцца зверху на вежах можна не больш за 45 хвілін, а колькасць турыстаў адначасова не павінна перавышаць дзевятнаццаць чалавек. Квіткі набываюць анлайн – яны каштуюць 16 еўра. Паведамляецца, што ў дзень адкрыцця адноўленай славутасці першыя квіткі раскупілі за 24 хвіліны.
Фота: AFP
Крыніца: https://www.bbc.com/news/videos/cd9yyxnejeko