Трамп падпісаў указ, які падвышае кошт працоўных віз у ЗША для замежнікаў да 100 тысяч долараў

Гаворка ідзе пра праграму па атрыманні працоўных віз H-1B. Ва ўказе Трампа прапісана пра «злоўжыванні» праграмай. Таму ў выпадку, калі заяўнік не ўнясе ўстаноўленую плату ў памеры 100 тысяч долараў, то ўезд у краіну абмяжуюць. Раней працоўная віза ў ЗША каштавала 1,5 тысячы долараў, і шматлікія транснацыянальныя кампаніі, асабліва ў тэхналагічным сектары, гэтым актыўна карысталіся.
Трамп таксама падпісаў указ аб стварэнні «залатой карты» для асоб, якія могуць дазволіць сабе заплаціць мільён долараў за від на жыхарства ў Амерыцы.
Новыя правілы ўступілі ў сілу з 21 верасня.
Пакуль вядома, што новаўвядзенне не закране тых, хто ўжо падаў заяўку на візу. А такіх, па дадзеных Службы грамадзянства і іміграцыі, ужо каля 240 тысяч.
Раней стала вядома, што для ўсіх, хто заязджае ў ЗША, за выключэннем уладальнікаў іміграцыйных віз, увядуць новы збор «за сумленнасць» у памеры 250 долараў. Мэта – барацьба з нелегальнай міграцыяй.
Крыніца: https://www.bbc.com/russian/articles/cly76yekn88o