Як пісалі «Моцныя Навіны» раней, будаўніцтва рэгіянальнага комплексу па абыходжанні з цвёрдымі камунальнымі адходамі вядзецца за 8 кіламетраў ад Гомеля на тэрыторыі ў 40 гектараў з 2023 года.

Па словах Уладзіміра Прывалава, некаторыя аб'екты гатовыя ўжо працэнтаў на 90, іншыя – напалову.
Будаўніцтва плануюць завяршыць у другой палове наступнага года. Да канца 2026-га завод павінен пачаць сваю дзейнасць.
Як сцвярджае старшыня гарвыканкама, магутнасць новага комплексу складзе 264 тысяч тон адходаў за год. Нагадваем, ён будзе перапрацоўваць і сартыраваць не толькі адходы Гомеля, але таксама і Гомельскага, Рэчыцкага, Лоеўскага, Чачэрскага, Добрушскага, Веткаўскага і Буда-Кашалёўскага раёнаў.
У адрозненне ад дзеючага эксперыментальнага завода на Аб'язной, на новым прадпрыемстве сартаванне адходаў будзе праводзіцца ў паўаўтаматычным рэжыме з атрыманнем другасных матэрыяльных рэсурсаў. Усяго запусцяць тры лініі: дзве для змешанага патоку і адна – для адходаў, якія прыбылі ад раздзельнага збору.
«Пасля ўводу ў эксплуатацыю новага комплексу дзеючы палігон адходаў будзе зачынены з наступнай рэкультывацыяй. Гэты працэс не хуткі, бо патрэбны гады для стабілізацыі палігона», – расказаў Прывалаў.
Да слова, з 2012 года там працуе ўстаноўка для здабычы звалачнага газу, які выкарыстоўваецца для вытворчасці электраэнергіі. Яна застанецца там, пакуль на палігоне адбываюцца працэсы ўтварэння газу.
Крыніца: https://belkagomel.by/2025/09/18/vostochnyj-obhod-zhilye-kvartaly-i-tematicheskie-skvery-bolshoe-intervju-s-merom-gomelya/