Аляксандр Лукашэнка падпісаў указ №337 «Аб аказанні падтрымкі спартыўным арганізацыям».

Ён адмяняе падатковыя льготы для спонсараў і ўводзіць новую сістэму – бюджэтныя субсідыі з жорсткім кантролем за іх выкарыстаннем.
Цяпер федэрацыі будуць атрымліваць грошы з рэспубліканскага бюджэту, а клубы па гульнявых і негульнявых відах спорту – з мясцовых. Сродкі можна будзе траціць толькі на вызначаныя патрэбы і пад пільнай увагай дзяржаўных органаў.
Раней спонсары, што падтрымлівалі спорт, маглі разлічваць на падатковыя льготы па прыбытку, зямлі і нерухомасці. Гэтая практыка спыняецца. Цяпер памеры субсідый, агульны аб’ём дзяржаўнай дапамогі (уключна са спонсарскімі ўнёскамі і рэкламай) і заробкі трэнераў, спартсменаў і кіраўнікоў стане рэгуляваць Савет Міністраў.
Для клубаў, якія з’яўляюцца бюджэтнымі арганізацыямі, фінансаванне з бюджэту застанецца як раней. Іх уласныя даходы і спонсарская падтрымка ад прыватных кампаній таксама не трапляюць пад новыя абмежаванні – імі можна распараджацца самастойна.
Акрамя таго, з’явіцца прызавы фонд для гульнявых клубаў: каманды змогуць атрымліваць агульнакамандныя прэміі па выніках сезона. Правілы і памеры гэтых выплат вызначыць Урад Беларусі.
Кантраляваць, куды ідуць дзяржаўныя грошы і ці выконваюцца нормы закона ў сферы спорту, будзе Міністэрства спорту і турызму Беларусі.
Стары ўказ №191, які рэгуляваў гэтыя пытанні, спыніць дзеянне 31 снежня 2025 года.
Крыніца: https://president.gov.by/ru/events/podpisan-ukaz-ob-okazanii-podderzki-sportivnym-organizaciam