Пенсіянер з-пад Гомеля стварыў сотні лебедзяў з паперы.

І гатовы даваць майстар-класы ўсім ахвочым
Леаніду Баландзе 84 гады, ён жыве ў пасёлку Паляна. У мінулым мужчына – майстар спорту па скачках у вышыню. Ён шмат гадоў выкладаў фізічную культуру ў ВНУ, у тым ліку ў БелДУТ. А 10 гадоў таму Леанід трапіў ў бальніцу і ляжаў там працяглы час. Аднойчы мужчына ўбачыў, як дзяўчына ў калідоры робіць сувеніры з папяровых трубачак і захацеў навучыцца рабіць тое ж самае.
Новае хобі захапіла яго з галавой – цяпер у доме дзядулі сотні дэкаратыўных вырабаў: вазы, кошыкі, але больш за ўсё мужчына любіць ствараць лебедзяў. На адзін падобны выраб, да слова, сыходзіць не менш за тыдзень.
«Над новымі працамі працую практычна кожны дзень, хоць хапае і іншых клопатаў па доме і на агародзе. Закупляю матэрыял (а ён самы просты – папера, фальга, клей, пластык), раблю нарыхтоўкі, затым збіраю іх у агульную канструкцыю», – расказвае Леанід.
Пенсіянер нават зладзіў сваю выставу ў сярэдняй школе №2 Гомеля. Раней выстаўляў лебедзяў і ў санаторыях – «Чонках» і «Машынабудаўніку», бібліятэках. Леанід спадзяецца выстаўляцца яшчэ, а таксама гатовы ладзіць і майстар-класы для ўсіх ахвочых.
Крыніца: https://sozhnews.by/news/obshchestvo/ni-dnya-bez-origami-master-iz-gomelskogo-rayona-sozdaet-sotni-unikalnykh-podelok/