Беларускі кампазітар закалабіўся з дацкім спеваком і ў выніку той заспяваў па-беларуску

У беларускай музыцы адбылася цікавая падзея – кампазітар Артур Матвіенка, вядомы сваім праектам Dzivia, выпусціў трэк у супрацы з дацкім выканаўцам Gealdyr. Музыку артыста з Даніі, да слова, можна пачуць у канадска-ірландскім серыяле «Вікінгі».
Атрымалася эпічная праца пра беларускі міф аб стварэнні свету. Песня называецца «Тры іскры» і ў ёй расказваецца, як свет паўстаў, калі тры іскры Перуна трапілі ў камень, што падымаўся з сярэдзіны мора падчас яго бітвы з Вялесам.
Але што самае незвычайнае – дацкі спявак выконвае песню на беларускай мове.
Абавязкова паслухайце гэты эпічны трэк цалкам – абыякавым застацца складана🔥
Крыніца: https://www.instagram.com/p/DOYzKS5iGTO/?igsh=MWdyYWNwYmZtajl4eQ==