Гэтая праца не аплочваецца, але выглядае цікава.

Як расказала кіраўніца праекта Гомельскай абласной філармоніі Ганна Плахатнюк, галоўная мэта – стварыць крэатыўную супольнасць творчых людзей. Акунуцца ў свет філармоніі можа любы ахвочы, нават школьнік з 14 гадоў (калі бацькі не супраць). Адзіная ўмова – шчырая цікавасць да культуры і жаданне быць датычным да падрыхтоўкі і правядзення імпрэзаў. Валацёрства афіцыйна аформяць і кожны ўдзельнік праекта атрымае электроннае пасведчанне.
Валанцёры могуць займацца мастацкім і мультымедыйным афармленнем сцэны, нават спрабаваць сябе ў ролі сцэнарыста ці рэжысёра-пастаноўшчыка канцэртных нумароў. Акрамя гэтага можна адміністраваць імпрэзы: стасавацца з гледачамі, кантраляваць таймінг, каардынаваць артыстаў і тэхнічную групу. Асобна патрэбна дапамога ў прасоўванні канцэртаў: фота-, відэаздымцы, працы з тэкстамі для СМІ і сацсетак.
З прыемнага – наведванне ўсіх імпрэз, якія арганізуе філармонія, для валанцёраў будзе бясплатным. Таксама для іх плануюць ладзіць творчыя майстэрні , майстар-класы і сустрэчы з артыстамі і прафесіяналамі ў сферы культуры.
Крыніца: https://newsgomel.by/news/society/v-gomele-rasskazali-o-pervom-v-respublike-proekte-kulturnoe-volontyerst