Адразу некалькі свежых навуковых даследванняў паказалі, што бяссонне і іншыя парушэнні сну могуць быць звязаныя не толькі са стрэсам ці ладам жыцця, але і з бактэрыямі, якія жывуць у кішачніку і роце чалавека.

Па сцвярджэннях навукоўцаў, чым разнастайней мікробны склад у роце і кішачніку, тым даўжэй і якасней сон чалавека. У падлеткаў і маладых людзей, напрыклад, багацейшая флора ў роце, а працягласць сну – вышэй. А ў людзей з дыягнаставаным бяссоннем у кішачніку аказалася значна менш карысных бактэрый.
Яшчэ адно даследаванне паказала, што ў людзей, каторыя маюць вельмі адрозны рэжым сну ў будні і выходныя, склад кішачнай мікрабіёты адрозніваецца ад тых, у каго графік больш стабільны. Гэтыя высновы пацвярджаюцца і эксперыментамі на жывёлах. У 2024 годзе мышам перасадзілі кішачную мікрафлору людзей, якія пакутавалі на джэтлаг і бяссонне: жывёлы раптам пачалі не спаць у гадзіны, калі звычайна спалі.
Доўгі час лічылася, што менавіта парушэнні сну змяняюць мікрабіём. Але некаторыя новыя даныя ўказваюць на тое, што, верагодна, сувязь двухбаковая.
Гэтыя адкрыцці падштурхнулі экспертаў да думкі, што ў перспектыве для лячэння бяссоння замест звыклых снатворных або разам з імі могуць прымяняцца прабіётыкі і прэбіётыкі, якія дапамагаюць рэгуляваць мікрабіёту. Першыя выпрабаванні ўжо паказалі, што яны дапамагаюць палепшыць сон, але для пацверджання тэорыі патрэбныя буйныя даследаванні.
Крыніца: https://www.bbc.com/future/article/20250905-how-your-microbiome-affects-your-sleep