Як паведамляе Мінтранс, з 1 мая 2027 года ў краіне з’явіцца адзіная дзяржаўная інфармацыйная сістэма продажу квіткоў на аўтамабільныя перавозкі пасажыраў у рэгулярных зносінах.

Беларусам прапануюць абмеркаваць праект указа «Аб адзінай дзяржаўнай інфармацыйнай сістэме продажу квіткоў». Ён прадугледжвае аб'яднанне сістэм браніравання і продажу квіткоў у адзіную лічбавую платформу і інтэграцыю электронных сэрвісаў пры міжнародных аўтамабільных перавозках пасажыраў у рэгулярных зносінах.
Такім чынам, у адным месцы будзе змяшчацца актуальная інфармацыя пра расклад, маршруты і даступнасць транспартных сродкаў усіх аўтамабільных перавозчыкаў. Там жа можна будзе выбіраць аптымальны маршрут паездкі, адсочваць рух аўтобусаў, браніраваць месцы, дыстанцыйна набываць праязныя дакументы і аплочваць праезд. Пасажыры змогуць карыстацца платформай праз мабільныя праграмы.
А перавозчыкам у сваю чаргу не прыйдзецца вытрачаць грошы на распрацоўку ўласнага праграмнага забеспячэння па браніраванні месцаў.
Абмеркаванне працягнецца да 18 верасня 2025 года у спецыяльнай тэме на Прававым форуме Беларусі.
Крыніца: https://pravo.by/novosti/novosti-pravo-by/2025/september/90034/