У Беларусі выявілі новы для сусветнай навукі від арганізмаў.

Выглядае незвычайна🧐
Гаворка ідзе пра невядомы раней від міксаміцэтаў. Міксаміцэты – гэта падклас слізевікоў, грыбападобных арганізмаў. Магчыма, вы ніколі пра такія не чулі, але маглі бачыць. Знешне слізевікі могуць нагадваць грыбніцу, кавалачак мантажнай пены, нечыя экскрэменты, кавалак слізі ці нават ваніты або проста плявок. А яшчэ яны ўмеюць перамяшчацца ў прасторы.
Від, які адкрылі ў Беларусі, знайшлі ў Белавежскай пушчы і назвалі Lycogala persicum.
Навуковы супрацоўнік лабараторыі мікологіі Інстытута эксперыментальнай батанікі НАН Беларусі Яўген Мароз сабраў узоры міксаміцэта ў нацыянальных парках «Белавежская пушча», «Нарачанскі» і ў Бярэзінскім біясферным запаведніку.
Пасля сумеснага комплекснага даследавання міжнароднай камандай даследчыкаў з Беларусі, Германіі, Латвіі, Расіі і ЗША ўстанавілі, што гэта новы для ўсёй сусветнай навукі від.
Фота: Telegram-канал «Беловежская пуща»
Крыніца: https://t.me/gpunpbp/903