У Гомелі ўсталююць помнік князю Івану Паскевічу, які зрабіў горад над Сожам павятовым цэнтрам у XIX стагоддзі

Новы помнік важнай гістарычнай асобе ўсталююць ля Лебядзінай сажалкі ў палацава-паркавым ансамблі. Неўзабаве там з’явіцца камень на месцы будучага помніка. А эскіз абяруць у выніку адкрытага конкурсу.
Расійскі фэльдмаршал Іван Паскевіч набыў гомельскі палац ў 1834 годзе за 800 тысяч рублёў.
У 1852 годзе ён перавёў павятовы цэнтр у Гомель і сам павет пераназвалі ў Гомельскі. Пазней на падставе гербу Новай Беліцы распрацавалі і новы герб Гомеля з выявай рысі. За часамі Паскевіча ў горадзе адчынілі шмат розных заводаў і прадпрыемстваў, праз Гомель прайшла шашэйная дарога «Санкт-Пецярбург – Адэса» і першая ў Расійскай імперыі тэлеграфная лінія «Санкт-Пецярбург – Севастопаль».
Таксама пры князю Іване праводзілася чарговая рэканструкцыя палаца, у выніку якой над паўночным флігелем з’явіўся трэці паверх, а замест паўднёвага паўстала 4-ярусная вежа.
Крыніца: https://newsgomel.by/news/culture/kak-v-gomele-poyavyatsya-pamyatniki-vydayushchimsya-i-izvestnym-lichnostyam_199607.html