На беларускіх палях распачаўся сезон цюк-арту

Паглядзіце, які крэатыўны дыназаўр з саломы з’явіўся на палях па дарозе на Мядзел каля вёскі Княгінін. Відэа з незвычайным арт-аб’ектам апублікаваў у TikTok alies_snieg.
Побач з яшчарам таксама пабудавалі вялікую пячору.
Да слова, у Мінскай вобласці традыцыйна праходзіць конкурс на найлепшую саламяную фігуру. Пераможцаў будзе выбіраць адмысловая камісія да 10 верасня, а з 10 па 17 верасня пройдзе інтэрнет-галасаванне.
Аўтары найлепшых аб’ектаў атрымаюць грашовыя ўзнагароды у памеры 70, 60 і 50 базавых велічынь (2940, 2520 і 2100 рублёў). Пераможцу онлайн-галасавання таксама ўзнагародзяць прызам у 50 базавых велічынь.
Калі вы заўважыце нешта падобнае і выбітнае з саломы ў Гомельскай вобласці, то дзяліцеся з «Моцнымі Навінамі».