Некалькі дзён таму ў медыя з’явілася інфармацыя пра тое, што швейцарская кампанія Stadler і БЧ збіраюцца падпісаць кантракт на пастаўку цягнікоў міжрэгіянальных ліній.

Гаварылася, што для БЧ павінны паставіць 30 электрацягнікоў і 35 дызель-цягнікоў.
У пісьмовым каментары прадстаўніка Stadler выданню Office Life пацвердзілася інфармацыя, што перамовы паміж кампаніяй і «Беларускай Чыгункай» сапраўды былі, але бакі не падпісалі кантракт.
«Stadler ўсведамляе, што ў бягучых умовах ні пастаўка цягнікоў у Беларусь, ні вытворчасць цягнікоў у Беларусі не дапускаюцца», – гаворыцца ў каментары.
Як вядома, пасля ўвядзення санкцый у 2022 годзе на заводзе «Штадлер Мінск» у Фаніпалі перасталі вырабляць саставы. Пры гэтым швейцарская кампанія працягвае заставацца уласнікам завода ў Беларусі і падтрымлівае яго, каб аднавіць працу, як толькі абмежаванні здымуць.
Крыніца: https://officelife.media/news/65223-stadler-oproverg-podpisanie-kontrakta-s-belzhd/