Як будуць захоўваць мабільнікі дзяцей у гомельскіх школах?

З новага навучальнага года ў школах і гімназіях Беларусі ўводзіцца забарона на выкарыстанне гаджэтаў. Дзе будуць захоўвацца тэлефоны падчас урокаў у гомельскіх школах, паказала «Белка».
Ва ўпраўленні адукацыі Гомельскага гарвыканкама паведамілі, што забарона на выкарыстанне гаджэтаў не стала нечаканасцю ні для дзяцей, ні для бацькоў.
«Да гэтай меры мы ішлі паэтапна цягам трох гадоў. Раней у школах ужо прымяняліся арганайзеры, куды вучні маглі на час заняткаў складаць мабільныя тэлефоны. Дзяцей прывучалі да таго, што на ўроках не трэба адцягваць увагу. Цяпер наша задача – забяспечыць бяспечнае захоўванне прылад, каб з тэлефонам, пакуль ён знаходзіцца па-за рукамі вучня, нічога не здарылася», – пракаментавала сітуацыю прадстаўніца упраўлення адукацыі Гомельскага гарвыканкама.
Кожная школа самастойна абірае спосаб і месца захоўвання гаджэтаў, але прылады павінны знаходзіцца пад замкам і відэаназіраннем.
У большасці ўстаноў паставілі спецыяльныя шафы з асобнымі ячэйкамі для кожнага класа. У кожным ячэйцы ёсць арганайзер для мабільнага тэлефона. Як правіла, шафы размяшчаюцца ля ўваходу ў будынак, дзе дзяжурыць ахоўнік ці вахцёр. Тэлефоны будуць забіраць перад пачаткам урокаў і аддаваць пасля заканчэння заняткаў.
У пачатковых класах дапускаецца захоўванне тэлефонаў у кабінеце, дзе праходзяць усе ўрокі.
Нагадаем, у абмежаваннях на гаджэты ёсць і выключэнні. Карыстацца імі ў школах можна дзецям па медыцынскіх паказаннях, калі неабходны маніторынг стану здароўя. Напрыклад, кантроль ціску ці ўзроўня цукру ў крыві пры дыябеце.
Фота: «Белка»
Крыніца: https://belkagomel.by/2025/08/25/v-shkolah-gomelya-pokazali-kak-budut-hranitsya-mobilnye-telefony/