Предыдущая публикация
🔹КІНО
У кінатэатрах можна паглядзець мультфільмы «Пушистый вояж» (6+) і «Единорог Тельма» (6+), сямейны фільм «Каждый мечтает о собаке» (6+) і прыгодніцкі экшн «Майор Гном: Игра» (16+).
26 мая а 19:30 ахвочыя акунуцца ў свет рэтра-кіно запрашаюцца ў арт-прастору «Зеленый дом в Квартале» на трагікамедыю «Реконструкция» 1968 года румынскага рэжысёра Лучыяна Пінціліе.
🔹ТЭАТР
Гомельскі абласны драматычны тэатр на гэтых выходных прапануе паглядзець камедыі Boeing-Boeing-Boeing 25 мая а 18:00 і «Корпоратив» 26 мая а 18:00.
🔹МАЙСТАР-КЛАСЫ
У філіяле Веткаўскага музея 25 мая аб 11:00 можна далучыцца да майстар-класа па лепцы з гліны. Кошт: 15 рублёў.
Арт-студыя «Мольберт» на Тэльмана запрашае на майстар-клас для дзяцей ад 6 гадоў па маляванні 26 мая у 12:15. Будуць вучыць маляваць лета і рудых коцікаў. Кошт: 20-25 рублёў.
🔹КАНЦЭРТЫ
25 мая а 17:00 у белай гасцёўні палаца Румянцавых і Паскевічаў ладзіцца канцэрт «Орган и гитара». Незвычайны дуэт абяцае слухачам старажытную беларускую музыку і сучасныя стылізацыі. Кошт: 25 рублёў.
Падзея для аматараў цяжкай музыкі! У бары «Квартирник» 25 мая а 20:00 ладзіцца канцэрт 18+ гомельскага трэш-метал гурта Distortion і блэк-метал гуртоў Tresk і Interior Wrath з Віцебска. Кошт: 10 рублёў.
🔹 ВЫСТАВЫ
У вежы палаца Румянцавых і Паскевічаў адкрылася выстава «Керамист. Мастер. Учитель» з нагоды 105-годдзя з нараджэння аднаго са старэйшых беларускіх керамістаў Мікалая Пушкара. Яго працы пагружаюць у свет беларускага Палесся, яго казак, легенд і звычаяў.
У філіяле Веткаўскага музея 25 мая а 12:00 адбудзецца адкрыццё выставы аднаго дня «Казачны сусвет» знакамітага майстра-разбяра Барыса Васількова. Пасля выставы экспанаты можна будзе набыць у сувенірнай лаўцы музея. Уваход вольны.
Да 26 мая працуе міжнародная выстава «Весна в Гомеле» ў Палацы лёгкай атлетыкі, дзе размясціўся рамесны кірмаш майстроў з усёй Гомельскай вобласці.
🔹 СПОРТ
У рэстаране Nemo 25 мая а 17:00 будзе транслявацца матч «Манчэстар Сіці» – «Манчэстар Юнайтэд». Не забудзьцеся забраніраваць столік!
🔹 ЦЫРК
25 і 26 мая – апошнія дні шоў-праграмы «Дикая планета» у гомельскім цырку. Кошт: ад 8 да 65 рублёў.
🔹 ФЭСТЫ
25 мая з 12:00 да 01:00 у лакацыі «ЦЕХ» пройдзе Sozhski Craft Fest, дзе можна будзе пакаштаваць 123 гатункі крафтавага піва ад 23 піваварняў краіны. Таксама ў праграме стрытфуд, піўная ёга, кікер і іншыя актыўнасці. Кошт: 15 рублёў.
Зычым вам файна правесці час!
Следующая публикация
Нет комментариев