Бөгелмәдә 23 яшьлек егеткә карата тәмәке кибетендә талау факты буенча җинаять эше кузгатылган.

Росгвардия мәгълүматы буенча, вакыйга Тукай урамында була. Егет сатучыга 3 мең сумлык электрон җайланманы күрсәтүен сорап мөрәҗәгать итә. Товар алганнан соң, ул тиз генә кибеттән чыгып китә.
Сатучы җинаятьчене куып җитә алмый. Шуңа да карамастан, шикләнелүчене Тухачевский урамында Росгвардия наряды тоткарлый. Аның янында урланган товар да була.
Яшь кешегә карата РФ Җинаять кодексының талауга кагылышлы 161нче маддәсе буенча җинаять эше кузгатылган. Әлеге эш законда билгеләнгән тәртиптә тикшереләчәк.