Бөгелмә балалар бакчасында Әтиләр көнен бәйрәм иттеләр

Россиядә бәйрәмне 2021 елдан октябрьнең өченче якшәмбесендә билгеләп үтәләр.
27нче «Алтын ачкыч» балалар бакчасында Әтиләр көне алдыннан логопед төркемдә тәрбияләнүчеләрнең әтиләре белән бергә юл хәрәкәте кагыйдәләре буенча белемнәрне ныгыту традициягә әверелде.
Быел төркем тәрбиячеләре Елена Безбородова һәм Ольга Полькина балалар һәм ата-аналар белән «Әти безне яклый — юл йөрү кагыйдәләрен ул үти!» акциясе үткәрделәр.
Акция барышында әтиләр балалар белән җәяүлеләр кичүе аша юлны кичүнең куркынычсыз булуын күрсәттеләр.
«Балалар бакчасында балаларны юл хәрәкәте кагыйдәләренә өйрәтү һәм юл-транспорт травматизмын профилактикалау буенча системалы эш алып барыла. Балалар белән көн саен куркынычсызлык минутлары, әңгәмәләр, викториналар, уен формасында дәресләр уздырыла», — дип сөйләде тәрбияче Елена Безбородова.
Акция тәмамлангач, балалар әтиләренә открыткалар бүләк иттеләр, алар белән өйдә дә, машина юлында да үзләрен куркынычсыз хис итәләр.