Бөгелмәдә экологлар кисәткәннән соң чүплекне чистарттылар

Пычрану мәйданы 300 квадрат метр тәшкил иткән.
Элегрәк мониторинг барышында ТР Экология һәм табигый байлыклар министрлыгының Көньяк-Көнчыгыш идарәсе инспекторлары Бөгелмә шәһәренең Верхний посёлокта көнкүреш һәм төзелеш калдыкларын җыюны ачыклаган иде.
Пычрану мәйданы 300 квадрат метр тәшкил иткән, күләме — 90 куб метр.
Бөгелмә районы башкарма комитетына кисәтү юлланды. Инспекторлар кабат килгәндә чүплек чистартылган, территория тиешле хәлгә китерелгән.
ФОТО: ТР Экология министрлыгы.