ТР мөфтие киңәшчесе Бөгелмә тикшерү изоляторында булды

Илдар хәзрәт Баязитов Россия Җәзаларны үтәтү федераль хезмәтенең Татарстан Республикасы буенча идарәсенең 3нче тикшерү изоляторында булды.
Татарстан Иҗтимагый күзәтү комиссиясе һәм Россия Федераль җәзаларны үтәтү хезмәтенең ТР буенча Иҗтимагый советы вәкилләре Татарстан буенча Россия Федераль җәзаларны үтәтү хезмәтенең дин тотучылар белән эшне оештыру буенча башлыгы ярдәмчесе Альберт Шәмсунов озатуында Бөгелмәнең 3нче тикшерү изоляторында булдылар.
Комиссия балигъ булмаган шикләнелүчеләрне, гаепләнүчеләрне һәм хөкем ителүчеләрне тоту шартлары белән танышты, моннан тыш, килүчеләр уку сыйныфын һәм китапханәне карадылар.