Предыдущая публикация
📕 Онангга қўнғироқ қилдингми бугун?
Бу дунёда меҳр оқибат устун,
Мусофир юртларда юрганинг учун,
Соғиниб интизор кутиб турганда,
Онангга қўнғироқ қилдингми бугун?
Ҳар зум хавотирда соатга қараб,
Ҳар кун дуосида омадинг сўраб,
Гоҳида пинҳона соғинса йиғлаб,
Онангга қўнғироқ қилдингми бугун?
Ўзинг учун елиб, бахтингни топдинг,
Дўсту ошноларга вақтингни топдинг,
Шу кунларга етиб қадрингни топдинг,
Онангга қўнғироқ қилдингми бугун?
Ногоҳон болангга бир озор етса,
Кўзингга дунё тор, кунинг бўлар тун,
Сени деб тунлари беором ўтса,
Онангга қўнғироқ қилдингми бугун?
Онасин қололмай дарддан қутқариб,
Мозорга борарлар гуллар кўтариб,
Меҳрга зор бўлиб қолибди қариб,
Онангга қўнғироқ қилдингми бугун?
Мана шу кунларда бир ўйлаб кўргин,
Ўзинг учун олдинг қанча зўр кийим,
Айтгин онанг учун не қилдинг дўстим,
Бир марта қўнғироқ қилдингми бугун?
Йўлсиз қолиб кетсан йўл топилади,
Дилингга бир дилдош дил топилади,
Қўй ўша бойликни пул топилади,
Онангга қўнғироқ қилдингми бугун?
Бугун мени сузим оғир ботмасин,
Оналарнинг умри ғамда ўтмасин,
Меҳр қуёшлари бевақт юотмасин,
Онангга қўнғироқ қилдингми бугун?
???.?
Следующая публикация
Комментарии 3