Запыталі ў бібліятэкара дзіцячага аддзела Петрыкаўскай цэнтральнай раённай бібліятэкі Вольгі Найдзен: ці наведвае падрастаючае пакаленне ўстанову?

Што просяць пачытаць сучасныя дзеці?
- У апошнія гады назіраецца цікавасць да кніжкі, што не можа не радаваць. Дзеці ідуць са "школьным" спісам , што раяць настаўнікі для дадатковага чытання. Шмат і такіх, хто прыходзіць за любімымі аўтарамі, каб пачытаць у вольны час. У студзені "пабілі" рэкорды такія аўтары, як Уладзіслаў Крапівін, Кір Булычаў, Люк Бесон. Юнакі і дзяўчаты ў апошні час выбіраюць фантастыку.
Назіраю, што калі прыходзяць дарослыя з маленькімі дзецьмі, то казкі, расказы просяць як на рускай, так і беларускай мовах.
Усе запыты землякоў мы выконваем.