«Челси» бош мураббийи Маурицио Сарри «Ювентус»га ишга ўтиши мумкин. Бу ҳақда Sport Italia хабар тарқатди.
Маълум қилинишича, «Челси» раҳбарияти ҳозиргача Саррининг келажаги борасида ўз позициясини билдиргани йўқ. «Кўклар» қишда «бьянконери»дан ижарага олинган ҳужумчи Гонсало Игуаинни ортга қайтариб юборишни режалаштирмоқда, натижада ёзда Сарри ва Игуаин «Ювентус»га бориб қўшилиши эҳтимоли бор.
Турин клуби жума кун бош мураббий Массимилиано Аллегри истеъфога чиқишини маълум қилди. Ҳозирча ушбу ташаббус қайси томондан билдирилгани номаълум. Бугун «Юве»ни 5 йил бошқарган мураббий истеъфоси юзасидан матбуот анжумани бўлиб ўтади.
Маурицио Сарри Италиядаги узоқ йиллик фаолиятидан сўнг ўтган йили ёзда «Челси»ни қабул қилиб олганди. «Аристократлар» 29 май куни Бокуда «Арсенал»га қарши Европа лигаси финал учрашуви билан мавсумни якунлашади.
Присоединяйтесь к ОК, чтобы подписаться на группу и комментировать публикации.
Нет комментариев