Чайнайверманг ўлик гўштини,
Сизга нима кийган кўйлагим,
Узун, калта, сариқ, пуштими.
Сизга нима, сизга не наф бор,
Қошиқ солманг ичган ошимга,
Қўяверинг, ўзим курайман,
Ёзда қорлар ёғса бошимга.
Ооо, қанчалар буюксиз ахир,
Тақдирларни ўзгартирасиз,
Икки дўстни гиж-гижлаб қўйиб,
Оппоққина бўлиб турасиз.
Ҳар гал яна эрийди кўнглим,
Кулиб берган саломингиздан.
Лек шохимни синдирар тошлар,
Сизнинг "ширин" каломингиздан.
Мумкин бўлса, мени тинч қўйинг,
Сизсиз ҳамку етар ташвишим,
Тушингизга кирдими, айтинг,
Ҳали ҳеч қилмаган қилмишим.
Ёру - дўстим орасидасиз,
Ажратолмам кимлигингизни,
Билганим шу, қўйнимда илон,
Узун, заҳар тиллигингизни.
Қўйинг энди, ҳаёт меники,
Бурнингизни тиқманг, илтимос.
Мен дунёнинг ташвишиданмас,
Ғийбатлардан чарчадим ҳолос...
Присоединяйтесь к ОК, чтобы подписаться на группу и комментировать публикации.
Комментарии 2