Предыдущая публикация
28 октябръ 2023 ел Башкортостан,
Илеш районы, Буралы авылы.
Әле яңа гына, дөресерәге сентябрь башларында авылда «Сулейманов Рәшит Хәмзә улы башлангычында мәчет төзеләчәк икән» - дигән хәбәр таралган иде. Бу сөенечле хәбәрне авылыбыз халкы хуплап каршы алды. Мәчет төзелешенә һәркем үз өлешен кертергә, матди ярдәм күсәтергә ашыкты. Авыл халкы гына түгел, читтә яшәүче авылдашлар, дуслар - туганнар, гомумән, авылыбызны якын итүчеләр интернет челтәре аша, ватсаптагы авыл группалары аша белеп, мәчет төзелешенә зур матди ярдәм күрсәтә башладылар.
Авылыбызның ир-егетләре төзелеш эшләрендә һәр көн ярдәм итеп тордылар. Бер ай да үтмәде авыл уртасында менә нинди күркәм изге йорт - мәчетнең стенасы калкып чыкты. Мәчет стенасын алтын куллы оста - Нуртдинов Азамат, ярдәмчеләре Губаев Рөстәм, Камалов Идрисләр өйде. Аларга ярдәм итүче Сафин Зөфәр, Сулейманов Рәшиткә
Һәм көн саен ярдәмгә килүче авылдашларыбызга, матди ярдәм күрсәтүчеләргә зур рәхмәтләребезне җиткерәбез
Мәчетебезнең стенасы өелде, шулайда алда әле бик күп төзелеш эшләре тора. Мөмкинлекләре булган авылдашларыбыз, мәчет төзелешенә битараф булмаган дин кардәшләребез төзелеш эшләрен тәмамлауга үз өлешләрен кертерләр, дип ышанасы килә!
Мәчетебезнең стенасы өелде, шулайда алда әле бик күп төзелеш эшләре тора. Мөмкинлекләре булган авылдашларыбыз, мәчет төзелешенә битараф булмаган дин кардәшләребез төзелеш эшләрен тәмамлауга үз өлешләрен кертерләр, дип ышанасы килә!
Следующая публикация
Нет комментариев