~Озарахш ~ Бехабарему меравад давраи беҳтаринамон, Ёди асалбаринамон, суҳбати шаккаринамон Дар кафи мост ин замон зарра ба зарра, лек нест, Марҳалаи заринамон, давраи гавҳаринамон Маърифати хаёлҳо қиссаи васл мекунад, Оҳ, бигў, дар ин миён кист дигар қаринамон!? Дур шудан чӣ ҳоҷате, ҷўр шудан чӣ ҳолате? Дар назари ситораҳо лаззати ахтаринамон! Боз нашуд ба дидаҳо рози дили сапедаҳо, Дунги мазор мешавад синаи мармаринамон Боз чӣ гўям, Озарахш, ин саҳари муродбахш, Лаҳзаи аввалинамон, ё дами охиринамон?