Պահել է քեզ,
Աղոթել է որ ապրես,
Պահն է եկել,որ դու հիմա`
Այդ կնոջը մեծարես։
Գուցե լինեն օրեր դժվար,
Բայց քո մորից չհոգնե'ս,
Քեզ չեմ ների եթե նրան`
Ծերանոցին նվիրես։
Լեզուն հազար փշեր ունի,
Սիրտ է ծակում անմեղի,
Քո բերանը կողպիր անգամ`
Թե քո մայրը բղավի։
Թե լավ զավակ լինես կյանքում,
Լավ ծնող էլ կլինես,
Քեզնից ծնված զավակի մեջ`
Հավատի ծառ կտնկես։
Մեզ վախկոտներ հարկավոր չեն,
Առյուծներ են հարկավոր,
Լավ զավակն է հետո դարձնում`
Քո օջախը զորավոր։
Լավ ծնողը իր զավակին,
Միայն ոսկի չի տալիս,
Այլ երբեմն զավակի հետ`
Աղքատի դարդն է լալիս։
Եվ թե' կյանքում ուրիշների`
Ցավով ապրել չիմանաս,
Դու չես գտնի քեզ ջուր բերող,
Մի օր անտեր կմնաս։
Լավ ծնողը իր զավակին,
Միայն հեքիաթ չի պատմում,
Այլ երբեմն զավակի հետ`
Հողի արցունքն է սրբում։
Թե հարուստ ես,
Մի խրատ տամ,
Զաքեոսի պես արա,
Քո գանձերով թեկուզ մի օր`
Մի աղքատի տուն գնա։
Լեզուն հազար փշեր ունի,
Սիրտ է ծակում անմեղի,
Քո բերանը կողպիր անգամ`
Թե քո մայրը բղավի։
•Անի•
Հեղ`. Ana Maria
Присоединяйтесь к ОК, чтобы подписаться на группу и комментировать публикации.
Комментарии 12