որ իմ սրտի բառարանում անվանդ դիմաց հավերժ էր գրված, բայց որի անվերջ լինելու համար հույս չկար...
...չասացի, որ սերս խաչ է քաշել հպարտությանս վրա,
ու չիմացար, չզգացիր, որ սիրտդ խեղճացել է սիրուս վեհությունից...
...չասացի , որ հետդ մի բաժակ թեյ կիսել էի ուզում։ Բայց չէ՞ որ ամեն անգամ գնալուդ հետ թեյը սառում էր...
Դու՛ էլ ես սառում, որովհետև քո մեջ ջերմություն չունես,
Իսկ իմ տված ջերմությունը վաղուց ես սպառել...
Չասացի...
...չասացի, որ մի ներկայությամբ ծածկում էիր բոլոր բացականերդ,
ու մի անգամ գրկելով այրում էիր 1000 ու 1 սխալդ, որոնցից միայն այդ մեկը չեմ ներել,որը թեպետ և ի՛մ սխալն էր՝ քեզ ներելը...
...չիմացար, որ մետրոներում ու գնացքների վագոններու՛մ եմ քեզ փնտրել,
ու կանգառը լուռ վկան է դարձել ՝ քեզ նորից ու նորից չունենալու իմ արցունքների...
Չհասկացար, որ բաղձանք էր՝ քեզ միշտ ունենալ կողքիս ու ներել քեզ՝
...ձեռքդ բռնած,
...ուսիդ հենված,
...քեզ սիրելիս...
Չիմացար, որ ներսս ու դուրսս լցնողն ես եղել, բայց մե՜կ է եղել , երբ դատարկվում էի...
Ու ես էլ քեզ նման չհասկացա, չիմացա՜,
...որ պատերազմից հետո մոռացված զենք էի, որին էլ չեն օգտագործում, բայց վայր էլ չեն դնում զգոնությունից...
Չհասկացար , որ քեզ ուրիշ սիրով եմ սիրել, որ գոյություն չունի անգամ...
Որի մասին ֆիլմեր չկան ու բանաստեղծները չեն գրել երբեք...
Ամենավե՜հն էր, որի մասին բառերով խոսելն անկարելի է , որովհետև քեզ սիրելը ինքնին <<չի՛ կարելի>> էր...
Ու չիմացար...
Այդպես էլ չիմացար, որ կարևորագույնն էիր ու ամենասիրվածը՝ երբևէ պատահածների մեջ՝...
Դու՛ ՝
...լոկ բառերով անվերջ սիրողդ,
...չհեռացողդ,
...չմնացողդ...
____________
(C) Նա՛ զ. Ա.
Присоединяйтесь к ОК, чтобы подписаться на группу и комментировать публикации.
Нет комментариев