* * *
Գնացքը՝
Բոլոր բաժանվողների
Ծա՜նր, երկաթե
Հոգոցն է երկա՜ր…
Կայարանները շինված են ձյունից,
Արցունքից և կամ…
Մի խոսքով՝ ջրից՝ գալուց-գնալուց,
Լալուց-չլալուց…
Գնացքը՝
բոլոր սիրահարների
Խոստովանության խուսափումն է լուռ,
Եվ ցանկությունն է՝
Հա՜շտ, առանց վեճի,
Վերջին նամակի տողն է նա վերջին…
Վերջին ժպիտն է վերջին հանդիպման, համբույր, հայացքի,
Դրա համար էլ
միշտ ծուռ է լինում ճամփան գնացքի…
Ա.Ա