129. 4 Centure M. Nostradamus (original).

LES VRAYES CENTVRIES ET PRO-
pheties de Maistre Michel Nostradamus.

CENTVRIE - QUATRE.

IV. 1.
CEla du reste de sang non espandu,
Venise quiert secours estre donné,
Apres quoir bien long temps attendu,
Cite liuree au premier cornet sonné.

IV. 2.
Par mort la France prendra voyage à faire,
Classe par mer, marcher monts Pyrenees,
Espagne en trouble, marcher gent militaire,
Des plus grand dames en France emmenees.

IV. 3.
D'Arras & Bourges de Brodes grands enseignes
Vn plus grand nombre de Gascons battre à pied,
Ceux long du Rosne saigneront les Espagnes,
Proche du mont ou Sagonte s'assied.

IV. 4.
L'impotent prince fasché, plaines & querelles
De raps & pillés par coqs & par lybiques
Grand est par terre, par mer infinies voilles,
Seure Italie sera chassant Celtiques.

IV. 5.
Croix paix soubs vn, accomply diuin verbe,
Espaigne & Gaule seront vnis ensemble,
Grand clade proche, & combat tresacerbe,
Cœur si hardy ne sera qui ne tremble.

IV. 6.
D'habits nouueaux apres fait la treuue,
Premier mourra qui en sera la preuue,
Malice tramme & machination
Couleur Venise insidiation.

IV. 7.
Le mineur fils du grand & hay prince,
De dueil sa mere mourra bien triste & mince,
De lepre aura à vingt ans grande tache
Et il mourra là où tombe chef lasche.

IV. 8.
La grand cité d'assaut pront & repentin,
Les excubies & veilles saint Quintin,
Surprins de nuict, gardes interrompus
Trucidez gardes & les portails rompus.

IV. 9.
Le chef du camp au milieu de la presse,
Lors que Geneue en larmes & en detresse
D'vn coup de flesche sera blessé aux cuisses,
Sera trahy par Lozan & Souysses.

IV. 10.
Le ieune Prince accusé faucement,
Meurtry le chef pour le soustenement,
Mettra en trouble le camp & en querelles
Sceptre appaiser, puis guerir escroüelles.

IV. 11.
Celuy qu'aura couuert de la grand cappe,
Le douze rouges viendront souiller la nape,
Sera induit à quelque cas patrer
Soubs meurtre, meurtre se viendra perpetrer. D iij

IV. 12.
Le camp plus grand de route mis en fuite,
Ost recampé & region reduicte,
Gueres plus outre ne sera pourchassé
Puis hors de Gaule du tout sera chassé.

IV. 13.
De plus grand perte nouuelles rapportees,
Bendes vnies encontre reuoltees,
Le rapport fait le camp s'eslongnera
Double phalange grand abandonnera.

IV. 14.
La mort subiette du premier personnage,
Tost, tard venu a si haut & bas aage,
Aura changé & mis vn autre au regne
Que terre & mer faudra qu'on le craingne.

IV. 15.
D'où pensera faire venir famine,
L'œil de la mer par auare canine,
De là viendra le rassasiement
Pour de l'vn l'autre donra huille froment.

IV. 16.
La Cité franche de liberté fait serue,
Le Roy changé, à eux non si proterue,
Des profligez & resueurs fait azyle
De cent seront deuenus plus de mille.

IV. 17.
Changer à Beaune, Nuy, Chaalon, Dijon
Le duc voulant amender la Barree,
Marchant pres fleuue, Poisson bec de Plongeon,
Verra la queuë porte sera serree.

IV. 18.
Des plus lettrez dessus les faits celestes
Seront par princes ignorans reprouuez,
Punis d'edit, chassez comme celestes,
Et mis à mort là où seront trouuez.

IV. 19.
Devant Roüan d'insubres mis le siege,
Par terre & mer enfermez les passages,
Flâdres de Gand & ceux de Liege,
D'Haynaut рar dons leuees rauiront les riuages.

IV. 20.
Paix vbertré long temps Dieu loüera
Par tout son regne desert la fleur de lis,
Corps morts d'eau, terre là l'on apporter,
Sperant vain heur d'estre là enseuelis.

IV. 21.
Le changement sera fort difficile,
Cité prouince au change gain sera,
Cœur haut, prudent mis, chassé luy habile
Mer, terre, peuple, son estat changera.

IV. 22.
La grand copie qui sera dechassee
Dans vn moment fera besoin au Roy,
La foy promise de loing sera faussee,
Nud se verra en piteux desarroy.

IV. 23.
La legion dans la marine classe
Calcine, Magne, souphre & poix bruslera,
Le long repos de l'asseuree place,
Port Selin, Herc le feu les consumera. D iiij

IV. 24.
Quy sous terre saincte d'ame voix fainte
Humaine flemme pour diuin veoir luire,
Fera des seuls de leur sang terre tainte,
Et les saints temples pour les impurs destruire.

IV. 25.
Corps sublimes sans fin à l'œil visibles,
Obnubiler viendra par ses raisons,
Corps, front comprins, sens, chef & inuisibles,
Diminuant les sacrees oraisons.

IV. 26.
Lou grand cyssame le leuera d'albelhos,
Que non sauran don, te signen venguddos,
Denech l'embousq, sou gach sous las tail hos,
Ciutat traihdo per cinq leugos non nudos.

IV. 27.
Salon, Mansol, Tarascon de Sex l'arc,
Viendront liurer le prince d'Annemarc,
Où est debout encor la pyramide
Rachapt honny au prince d'Artamide.

IV. 28.
Mercure au feu les aura descouuert,
Lors que Venus du Sol sera couuert
Soubs l'esplendeur sera forme occulte
Par bruit bellique sera mis à l'insulte.

IV. 29.
Le Sol caché ecclipsé par Mercure,
De Vulcan Hermes sera faite pasture,
Ne sera mis que pour le ciel fecond
Slo sera veu pur rutilant & blond.

IV. 30.
Plus vnze fois Luna Sol ne voudra,
Et si bas mis que peu or on coudra,
Tous augmentez & baissez de degré
Qu'apres faim, peste, decouuert le secret.

IV. 31.
La lune au plain de nuict sur le haut mont
Le nouueau sophe d'vn seul cerueau l'a veu,
Par ses disciples estre immortel semond,
Yeux au midy, en sens mains corps au feu.

IV. 32.
Es lieux & temps chair au poisson dorna lieu,
La loy commune sera faite au contraire
Vieux tiendra fort, puis osté du milieu,
Le Panta choina philon mis fort arriere.

IV. 33.
Iupiter ioint plus Venus qu'a la Lune,
Venus cachee sous la blancheur Neptune,
Apparoissant de plenitude blanche
De Mars frappee par la grande branche.

IV. 34.
Le grand mené captif d'estrange terre,
Qui dans Ausone, Milan perdra la guerre,
D'or enchainé au Roy Chyren offert
Et tout son ost mis à feu & à fer.

IV. 35.
Le feu estaint les vierges trahyront,
Foudre à fer, lance les seuls Roy garderont,
La plus grand part de la bande nouuelle
Etrusque & Corse de nuict gorge allumelle.

IV. 36.
Apres victoire de l'Insubre champaigne,
Monts d'Esperie, les grand liez troussez,
Les ieux nouueax en Gaule redressez,
De peur trembler la Romaine & l'Espagne.

IV. 37.
Gaulois par sauts, monts viendra penetrer,
Au plus profond son ost fera entrer,
Occupera le grand lieu de l'Insubre
Gennes, Monech pousseront classe rubre.

IV. 38.
Pedant que Duc, Roy, Royne occupera,
Auant l'assaut l'vn l'autre mangera,
Chef bizantin captif en Samothrace
Rebours ferré suyura de sang la trace.

IV. 39.
Les Rodiens demanderont secours,
Par le neglet de ses hoirs deaissée,
L'empire Arabe reualera son cours,
Par Hesperies la cause radressee.

IV. 40.
Les forteresses des assiegez ferrez,
Les proditeurs seront tous vifs serrez,
Par poudre à feu profondes en abysme
Onc aux Sacrifices n'aduint si piteux scisme.

IV. 41.
Cymnique sexe captiue par hostage,
Le chef du camp deceu par son lignage,
Viendra de nuict custodes deceuoir
Lairra le genre, fera piteux auoir.

IV. 42.
Geneue & Lâgres par ceux de Chartre & Dolle,
Et par Grenoble captif au Montlimart
Seysset, Losanne par fraudulente dole,
Les trahyront par or soixante marc.

IV. 43.
Seront ouys au Ciel les armes battre,
Celuy an mesme les diuins ennemis,
Voudront loix sainctes iniustement debatre,
Par foudre & guerre bien croyants à mort mis.

IV. 44.
Deux gros de Mende de Rhodes & Milhau,
Cahors, Limoges, Castre malo sapmano,
De nuech l'intrado, de Bordeaux vncailhau,
Par Perigort au toc de la Campano.

IV. 45.
Pa conflit Roy, regne abandonnera,
Le plus grand chef faillira au besoing,
Morts profligez, peu en rechappera,
Tous destranchez, vn en sera tesmoing.

IV. 46.
Bien deffendu le fait par excellence,
Londres & Nantes par Reims fera deffence,
Garde toy Tours de ta proche ruyne
Ne passez outre au temps de la bruyne.

IV. 47.
Le noir farouche quand aura essayé,
Sa main sanguine par feu, fer, arcs tendus,
Trestout le peuple sera tant effrayé,
Voir les plus grands par col & pieds pendus.

IV. 48.
Plannure, Ausonne fertille, spacieuse,
Produira tahons si tant de sauterelles,
Clarté solaire viendra nubileuse,
Reger le tout, grand peste venir d'elles.

IV. 49.
Deuant le peuple sang sera respandu,
Mais d'vn long-temps ne sera entendu,
Que du haut ciel ne viendra eslongner
L'esprit d'vn seul le viendra tesmoigner.

IV. 50.
Libra verra regner les Hesperies,
De ciel & terre tenir la Monarchie,
D'Asie forces nul ne verra peries,
Que sept ne tiennent par rang la Hierarchie.

IV. 51.
Ve Duc cupide son ennemy ensuyure,
Dans entrera empeschant la phalange,
Hastez à pied si pres viendront poursuyure,
Que la iournee conflite pres de Gange.

IV. 52.
En cité obsesse aux murs hommes & femmes
Vent sera fort encotre les gens-d'armes,
Ennemys hors le chef prest à soy rendre
Chassez seront par chaux, poussiere & cendre.

IV. 53.
Les fugitifs & bannis reuoquez,
Le cruel pere & les siens suffoquez,
Peres & fils grand garnissant les haut puits
Son fils plus pire submergé dans le puis.

IV. 54.
Du nom qui oncques ne fut au Roy Gaulois,
Iamais ne fust vn fouldre si craintif,
Tremblant l'Italie l'Espagne & les Anglois,
De femme estrangers grandement attentif.

IV. 55.
Quand la Corneille sur tour de brique iointe,
Durant sept heures ne fera que crier,
Mort presagee de sang statuë tainte,
Tyran meurtry aux Dieux peuple prier.

IV. 56.
Apres victoire de raibeuse langue,
Victeur sanguin par conflit fait harengue,
L'esprit tempté en tranquil & repos
Rostir la langue & la chair & les os.

IV. 57.
Ignare enuie du grand ROy supportee,
Sa femme non femme par vn autre tentee,
L'esprit tempté en tranquil & repos
Plus double deux ne feront ne cris.

IV. 58.
Soleil ardant dans le gosier coller,
Chef seille d'eau mener son fils filer,
De sang humain arroser terre Etrusque
Captiue dame conduite en terre Turque.

IV. 59.
Deux assiegez en ardante fureur,
De soir estaints pour deux plaines tasses,
Le fort limé, & vn vieillard resueur,
Aux ganeuois de Nira monstra trasse.

IV. 60.
Les sept enfans en hostage laissez,
Deux par son fils seront d'estoc percez,
Le tiers viendra son enfant trucider
Gennes, Florence, lors viendra enconder.

IV. 61.
Le vieux mocqué, & priué de sa place,
Mains de soon fils mangees duant sa face
Les freres à Chartres, Orleans, Rouen trahyra,
Par l'estranger qui le subornera.

IV. 62.
Vn coronel machine ambition,
Contre son prince feinte inuentinon,
Se saisira de la plus grande armée
Et descouuert sera sous sa ramée.

IV. 63.
L'armée Celtique contre les montagnars,
Paysans fresz pouseront tost faugnars,
Qui seront sceus & prins à la lipée
Precipitez tous au fil de l'espée.

IV. 64.
Le deffaillant en habit de bourgeois,
Quinze soldats la plus part Vstagois,
Viendra le Roy tempter de son offence
Vie derniere & chef de sa cheuance.

IV. 65.
Au deserteur de la grand forteresse,
Son aduersaire fera si grand proüesse,
Apres qu'aura son lieu abandonné
L'Empereur tost mort sera condamné.

IV. 66.
Soubs couleur fainte de sept testes rasées,
Puys & fontaines de poyson arrousées
Seront semez diuers explorateurs
Au fort de Gennes humains deuorateurs.

IV. 67.
L'an que Saturne & Mars esgaux combust,
Par feux secrets, d'ardeur grand lieu adust
Peu pluye, vent, chaud, guerres, incursions,
L'air fort sieché, longue traiection.

IV. 68.
En l'an bien proche eslongné de Venus,
Du Rin & Hyster, qu'on dira sont venus,
Les deux plus grands de l'Asie & d'Affrique
Cris, pleurs à Malte & costé à Lygustique.

IV. 69.
La cité grande les exilez tiendront,
Ceux d'Aquilée à Parme promettront,
Les citadins morts meurtris & chassez
Monstrer l'entrée par les lieux non trassez.

IV. 70.
Bien contiguë des grands monts Pyrenées,
Ouuertes vaines, forces exterminées,
Vn contre l'aigle grand copie addresser
Que iusque à Pau, le chef viendra chasser.

IV. 71.
En lieu d'espouse les filles trucidées,
Dedans le puys vestules inondées,
Meurtre à grand faute ne sera superstile
L'espouse estainte par hauste d'Aconile.

IV. 72.
Les Artomiques par Agen & l'Estore,
A saint Felix feront le parlement,
Ceux de Basas viendront à la malheure,
Saisir Condon & Marsan promptement.

IV. 73.
Le nepueu grand par forces prouuera,
Ferrare & Ast le Duc esprouuera,
Par lors qu'au soir fera la pantomine,
Le pache fait du cœur pusillanime.

IV. 74.
Du lac lyman & ceux de Brannonices,
Tous assemblez contre ceux d'Aquitaine,
Germains beaucoup encor plus Souysses,
Seront deffaicts auec ceux d'Humaine.

IV. 75.
Prest à combattre fera defection,
L'arriere garde fera defention
Chef aduersaire obtiendra la victoire
Les deffaillans mort au blanc territoire.

IV. 76.
Les Nictobriges par ceux de Perigort,
L'associé de Gascons & Begorn
Seront vexez tenant iusques au Rosne
Trahir le temple, le prestre estant au prosne.

IV. 77.
Selin maonarque, l'Italie pacifique,
Mourant voudra coucher en terre belsique
Regnes vnis Roy chrestien du monde
Apres pyrates auoir chassé de l'onde.

IV. 78.
La grand armee de la pugne ciuille,
Pour de nuict Parme à l'estrange trouuee
Septante neuf meurtris dedans la ville,
Les estrangers passez tous à l'espee.

IV. 79.
Sang Royal fuis Monthurt, Mas, Eguillon,
Remplis seront de Bourdelois les Landes,
Nauarre, Bygorre, pointes & eguillons,
Profonds de faim vorer de Liege glandes.

IV. 80.
Pres du grand fleuue grand fosse terre egeste
La cité prinse, feu, sang cris, conflit mestre,
En quinze part sera l'eau diuisee
Et la plus part concerne au collisee.

IV. 81.
Pont on fera promptement de nacelles,
Dans profondrées & non loing de Bruxelles
Passer l'armee du grand prince Belgique
Outre passez, destrenchez sept à picque.

IV. 82.
Amas s'approche venant d'Esclauonie,
Fort desolee verra sa Romanie,
Puis la grand flamme estaindre ne sçaura,
L'Olestant vieux cité ruynera.

IV. 83.
Combat nocturne le vaillant capitaine
Son peuple esmeu sedition non vaine,
Vaincu fuyra, peu de gens profligé
Son propre fils le tiendra assiegé. Е

IV. 84.
Vn grand d'Auserre mourra bien miserable
Chassé de ceux qui soubs luy ont esté,
Serré de chaisnes, apres d'vn rude cable,
En l'an que Mars Venus, Sol mis en esté.

IV. 85.
Le charbon blanc du noir sera chassé,
Prisonnier fait mené au tumbereau,
Moré Chameau sus pieds entrelassez,
Lors le puisné filera l'aubereau.

IV. 86.
L'an que Saturne en eau sera conioinct,
Auec Sol, le Roy fort & puissant,
A Reims & Aix sera receu & oingt,
Apres conquestes meurtrira innocens.

IV. 87.
Vn fils du Roy tant de langues aprins
A son aisné au regne different,
Son pere beau au plus beau filz comprins,
Fera perir principe adherent.

IV. 88.
Le grand Anthoine du moindre fait sordide
De Phytriase à son dernier rongé,
Vn qui de plomb voudra estre cupide,
Passant le port d'esleu sera plongé.

IV. 89.
Trente de Londres secret coniureront,
Contre leur Roy sur le pont l'entreprinse,
Luy, satalites la mort degousteront,
Vn Roy esleu blonde, natif de Frize.

IV. 90.
Les deux copis aux murs ne pourront ioindre
Faim, soif, doutance si fort les viendra poindre
Dans cest instant trembler Milan, Ticin
Chair, pain, ne viures, n'auront vn seul boucin.

IV. 91.
Au Duc Gaulois contrainct battre au duelle,
Tort accusé prison perpetuelle,
La nef Meselle monech n'approchera,
Son fils regner auant mort taschera.

IV. 92.
Teste trenchee du vaillant Capitaine,
Ser ietté deuant son aduersaire,
Son corps pendu de sa classe à l'antenne,
Confus fuira par rames à vent contraire.

IV. 93.
Vn serpent veu proche du lit Royal,
Lors naistre en France vn Prince tant Royal
Sera par dame, nuict chiens n'abbayeront
Du Ciel venu tous les princes verront.

IV. 94.
Deux grands freres seront chassez d'Espaigne
Rougir mer, Rosne sang leman d'alemagne,
L'aisné vaincu soubs les monts Pyrennees
Narbon, Blyterres, d'Ath, contaminees.

IV. 95.
Le regne à deux laissé bien peu tiendront,
Les deux vestales contre rebelleront,
Trois ans sept mois passez feront la guerre
Victor puis nay en Armonique terre. E ij

IV. 96.
La sœur aisnee de l'Isle Britannique,
Quinze ans deuant le frere aura naissance,
Par son promis moyennant verrifique,
Succedera au regne de Balance.

IV. 97.
L'an que Mercure, Mars, Venus retrograde,
Du grand Monarque la ligne ne faillir,
Esleu du peuple l'vsitant pres de Gagdole,
Qu'en paix & regne viendra fort enuiellir.

IV. 98.
Les Albanois passeront dedans Rome,
Moyennant Langres demiples affublez,
Marquis & Duc ne pardonner à homme,
Feu, sang morbile, point d'eau, faillir les bleds.

IV. 99.
L'aisné vaillant de la fille du Roy,
Repoussera si auant les Celtiques,
Qu'il mettra foudres, combien en tel arroy,
Peu & loing puis profondes Hesperiques.

IV. 100.
De feu celeste au Royal edifice,
Quand la lumiere du Mars deffaillira,
Sept mois grand' guerre, mort gent de malefice,
Rouen Eureux, au Roy ne faillira.