Асли сиз гўзалсиз мастура қизлар!

Дунё ишларидан безган кўнгил дер:
“Соф эрур хижобга ўранган юзлар!”
Дунё Жулиеттага кўнгил қўявер,
Асли сиз гўзалсиз мастура қизлар!
Чиркин нигоҳлардан гўзаллик излаб,
Баъзилар пойига чўкканда тизлар,
Мен баланд овозда бақиргум юзлаб:
“Сиз асли гўзалсиз мастура қизлар!”
“Голливуд”, “Ҳолливуд” томонлардаким
Саҳнага товланиб чиққанда безлар,
Ойнаи жаҳонни ўчириб дегум:
“Асли сиз гўзалсиз мастура қизлар!”
Кўкраклар очилган ярим яланғоч,
Оғзидан тушмаган бешарм сўзлар.
Уларнинг макридан топиб бир илож,
Асли сиз гҳўзалсиз мастура қизлар!
Тўғри яланғочлар яйрабон обдон,
Зинокор қавмни гуноҳга тезлар.
Кўнглингиз тубида қолмасин армон,
Асли сиз гўзалсиз мастура қизлар!
Улар гўзаллика қиларлар даъво,
Лек эрлар улардан нелардир излар,
Суйкалма, кўнгилни киўрмаслар раво!
Асли сиз гўзалсиз мастура қизлар!
Маломат пайтлари ортга қочган дам
Нур мисол дунёга порладингизлар,
Ишонинг дунёвий ўлчовларда ҳам
Асли сиз гўзалсиз мастура қизлар!