“ЗОРКІ МАЁЙ КРАІНЫ”

Цудоўная вечарына, прысвечаная да юбілеяў нацыянальных майстроў слова і музыкі, адбылася на мінулым тыдні ў дзіцячай школе мастацтваў №2 імя У.У.Алоўнікава. Вучні выразна спявалі, натхнёна чыталі вершы, байкі знакамітых беларускіх паэтаў і пісьменнікаў, выконвалі на музычных інструментах творы нацыянальных кампазітараў, і нават былі вядучымі. Слухачы ўзгадалі творчасць Ю.Семянякі і М.К.Агінскага, У.Караткевіча і А.Макаёнка, М.Аладава, К.Крапівы, М.Багдановіча і іншых дзеячаў нашай краіны, якія ўнеслі значны ўклад у развіццё беларускай культуры.
Падрыхтаванае настаўнікам па класе тэарэтычных дысцыплін Таццянай Васільеўнай Буглак музычна-літаратурнае мерапрыемства пакінула прыемныя ўражанні ў слухачоў.