Да шасцідзесяцігоддзя рамана "Сэрца на далонi" у бібліятэцы аформлена выстава адной кнігі "Эпічны раман".
"Сэрца на далоні" – адзiн з самых папулярных твораў ХХ стагоддзя класіка беларускай літаратуры Івана Шамякіна (1921-2004), які з гадамі не страціў сваю мастацкую каштоўнасць.
Раман напісаны пра час, калі савецкае грамадства пасля ўсенароднай крытыкі адступленняў ад ленінскіх прынцыпаў партыйнага кіраўніцтва жыццём перажывала важныя працэсы абнаўлення ва ўсіх сферах чалавечай дзейнасці.
Адзін з галоўных герояў Шыковіч кажа: "Адбыліся такія падзеі! Пераварот у мазгах, у сэрцах".
У рамане "Сэрца на далоні" пастаўлены самыя надзённыя, самыя важныя праблемы народнага жыцця, якія хвалявалі ў пачатку 60-х гадоў усё савецкае грамадства: сувязь праўды мінулага і праўды сучаснасці,адносіны паміж пакаленнямі, выхаванне моладзі, неабходнасць станаўлення чалавека як асобы і іншыя. Яны не страцілі свайго вялікага сацыяльнага і этычнага значэння і сёння.
Присоединяйтесь к ОК, чтобы подписаться на группу и комментировать публикации.
Нет комментариев