НАРАДЗІЛІСЯ:
1476 — Алена Іванаўна (г. Масква, Маскоўскае княства) — дачка вялікага князя маскоўскага Івана ІІІ і візантыйскае прынцэсы Софіі Палеолаг. З 1495 жонка вялікага князя літоўскага Аляксандра, з 1501 некаранаваная каралева польская.
1520 — Кавячынскі Мацей (маёнтак Кухцічы, цяпер пасёлак Первамайск, Уздзенскі раён, Мінская вобласць) — вялікалітоўскі кнігавыдавец, перакладчык, рэфармацыйны дзеяч. Заснаваў порт на рацэ Узда, паперню (папяровую фабрыку) ў Нясвіжы, кальвійскі збор у Кухцічах. У 1561-1562 гадах сумесна са сваімі братамі, Сымонам Будным і кальвійскім міністрам (прапаведнікам) Л. Крышкоўскім заснаваў друкарню ў Нясвіжы. Лічыцца заснавальнікам першай друкарні на тэрыторыі сучаснай Беларусі. Памёр у 1572 годзе.
1750 — Анджаліні Франчэска (г. П’ячэнца, Італія) — перакладчык, літаратар, езуіт, выкладаў у Полацкім езуіцкім калегіуме, а таксама ў Віцебску і Магілёве. У езуіцкім тэатры ў Полацку ставіліся як перакладзеныя ім класічныя творы, так і спецыяльна напісаныя польскамоўныя камедыі.
1780 — Пац Людвік Міхаіл (г. Страсбург, Францыя) — ад’ютант Напалеона (1812), генерал, камандзір напалеонаўскай дівізіі (1814), пад час паўстання 1830-1831 гг., чалец часовага урада паўстанцаў Польшы.
1861 — Шкатэлаў Уладзімір Віктаравіч (г. Санкт-Пецярбург, Расія) — расійскі і беларускі вучоны ў галіне лесахіміі і хімічнай тэхналогіі, доктар хімічных навук (1889), прафесар (1883), акадэмік Акадэміі навук БССР (1929). Заслужаны дзеяч навукі БССР (1938).
1884 — Івіцкі Вітальд (г. Вільня, цяпер г. Вільнюс, Літва) — каталіцкі святар, доктар кананічнага права (1915), генеральны вікарый Пінскай дыяцэзіі і першы рэктар Пінскай духоўнай семінарыі.
1899 — Шалушкоў Рыгор Іванавіч (вёска Рудня Бронская, цяпер Рагачоўскі раён, Гомельская вобласць) — партызан, удзельнік Другой сусветнай вайны, Герой Савецкага Саюза (08.05.1965).
1914 — Круглікаў Мікіта Конанавіч (вёска Залессе, цяпер Чачэрскі раён, Гомельская вобласць) — вайсковец, танкіст, лейтэнант, удзельнік Другой сусветнай вайны, Герой Савецкага Саюза (1944, пасмяротна).
1916 — Воранаў Натан Майсеевіч (г. Магілёў) — беларускі жывапісец. Працаваў у розных жанрах станковага жывапісу. Заслужаны дзеяч мастацтваў БССР (1966).
1919 — Авекаў Іван Аўдзеевіч (вёска Асінаўка, цяпер Дубровенскі раён, Віцебская вобласць) — вайсковец, лётчык, капітан, удзельнік Другой сусветнай вайны, Герой Савецкага Саюза (24.08.1943, пасмяротна).
1921 — Івуценка Мікалай Іванавіч (вёска Утра, цяпер Чавускі раён, Магілёўская вобласць) — вайсковец, артылерыст, старшына, удзельнік Другой сусветнай вайны, поўны кавалер ордэна Славы.
1927 — Восіпава Ганна Сцяпанаўна (вёска Варатын, цяпер Калінкавіцкі раён, Гомельская вобласць) — гомельскі мастак-мініяцюрыст, майстар дэкаратыўнага мастацтва.
1936 — Піліпенка Міхаіл Фёдаравіч (вёска Нежыхаў, цяпер Брагінскі раён, Гомельская вобласць) — беларускі этнограф, этнолаг, гісторык, доктар гістарычных навук (1993), прафесар (1995), член-карэспандэнт Нацыянальнай акадэміі навук Беларусі (1994).
1937 — Салдатаў Уладзімір Сяргеевіч (г. Смаленск, Расія) — беларускі фізіка-хімік, доктар хімічных навук (1970), прафесар (1972), член-карэспандэнт Акадэміі навук БССР (1977), акадэмік Акадэміі навук БССР (1984).
1939 — Гараеў Уладзімір Міхайлавіч (пасёлак Нікуліна, Істрынскі раён, Маскоўская вобласць, Расія) — беларускі лёгкаатлет (трайны скачок), срэбны прызёр Алімпійскіх гульняў 1960 года ў Рыме, срэбны прызёр чэмпіянату Еўропы 1962 года ў Белградзе. Кандыдат тэхнічных навук (1972).
1940 — Кавалёў Уладзімір Міхайлавіч (вёска Пнеўшчына, цяпер Горацкі раён, Магілёўская вобласць) — беларускі і расійскі навуковец, доктар біялагічных навук (1996), прафесар (1997).
1941 — Цароў Генадзь Яўгенавіч (г. Масква, Расія) — беларускі кларнетыст, педагог. Заслужаны артыст Беларусі (1999).
1955 — Грыгор’еў Аляксандр Аляксандравіч (г. Брэст) — беларускі мастак, графік, скульптар, сцэнограф. Спецыяльнай прафесійнай мастацкай адукацыі не атрымаў. Працаваў у брэсцкім рэкламным камбінаце «Аблспажыўсаюза» над афармленнем гандлёвых кропак Брэстчыны. У 1997 г. правёў у брэсцкай галерэі «БелАрт» персанальную выставу жывапісу і графікі. Майстар віртуозна валодаў алоўкам, прымяняе арыгінальную, уласцівую толькі яму змешаную графічную тэхніку. Як мастак-пастаноўшчык аформіў шэраг спектакляў для дзяцей, якія знаходзяцца ў пастаянным рэпертуары Брэсцкага тэатра лялек. Стварыў вобразы, касцюмы, лялькі і сцэнаграфію да дзевяці спектакляў.
1983 — Азараў Сяргей Мікалаевіч (г. Мінск) — беларускі шахматыст, гросмайстар (2003).

ПАМЕРЛІ:
1643 — Масальскі Аляксандр Рыгоравіч — дзяржаўны дзеяч Вялікага Княства Літоўскага. Маршалак ковенскі з 1617, кашталян дорпацкі з 1627 і смаленскі з 1631, ваявода мінскі з 1638.
1952 — Сурская Вера Сяргееўна (г. Брэст) — паэтэса, драматург, публіцыст. Стваральніца першага ў Беларусі дзіцячага тэтра ляляк, у якім была драматургам, мастаком і рэжысёрам. Адна з ініцыятараў і стваральніц Брэсцкага літаратурнага аб’яднання “Заранка”.
1954 — Хрусталёў Уладзімір Якаўлевіч (г. Віцебск) — беларускі жывапісец, педагог. Маляваў пейзажы, жанравыя і тэматычныя творы.
1976 — Шчарбіна Валянцін Мікалаевіч (г. Мінск) — беларускі вучоны, геолаг і геахімік, доктар геолага-мінералагічных навук (1953), прафесар (1953), член-карэспандэнт Акадэміі навук БССР (1956).
1981 — Мураўёў Міхаіл Васілевіч (г. Нікапаль, Днепрапятроўская вобласць, Украіна) — вайсковец, артылерыст, малодшы лейтэнант, удзельнік Другой сусветнай вайны, Герой Савецкага Саюза (1944).