1399 — вялікі князь літоўскі Вітаўт выступіў з Кіева ў Дзікае поле (назва ўкраінскага стэпу) на бітву з татарамі.
1597 — у Геранёнах, якія цяпер у Іўеўскім раёне, адбыўся ўрачысты шлюб 30-гадовага новагародскага ваяводы, члена Рады ВКЛ Станіслава Гаштольда і 17-гадовай Барабары Радзівіл.
1792 — расійскія войскі уварваліся на тэрыторыю Рэччы Паспалітай з мэтаю скасавання Канстытуцыі 3 траўна 1791 года.
1831 — рускія вайскоўцы разбілі паўстанцкі партызанскі атрад Э. Станкевіча, што складаўся з віленскіх студэнтаў, загінула больш за 200 чалавек.
1906 — у Пецярбургу была заснаваная першая легальная беларуская выдавецкая суполка «Загля-не сонца і ў наша аконца» (існавала да 1914).
1912 — у Мінску створана таварыства краязнаўства, этнаграфіі і археалогіі.
1924 — у Вільні пачала выходзіць газета «Сын беларуса» (выдавалася да 19 верасня 1924 г.), рэдактар Мікола Шыла, якая публікавала выступы беларускіх дэпутатаў у польскім сойме.
2001 — міліцыя разагнала ў Мінску арганізаваны АГП «ланцуг неабыякавых людзей», якія трымалі партрэты бясследна зніклых. Шмат удзельнікаў акцыі было збіта пераапранутымі ў цывільнае міліцыянтамі. Летам і ў верасні акцыя «ланцуг неабыякавых людзей» прайшла па ўсіх гарадах Беларусі. Улады замест неабходнага расследавання і пакарання вінаватых адказвалі рэпрэсіямі.

НАРАДЗІЛІСЯ:
1675 — Арцяхоўскі Антоній (Мазовія, Польшча) — езуіцкі святар і педагог, магістр філасофіі і вольных навук (1707). Выкладаў паэтыку і рыторыку у Віленскай акадэміі, быў прафесарам рыторыкі для семінарыстаў-езуітаў у настаўніцкай семінарыі пры Полацкім езуіцкім калегіуме (1706-1707), прафесар філасофіі ў Віленскай акадэміі (1707-1709).
1786 — Гібенталь Карл Іванавіч (Кашынскі павет, Цвярская губерня, Расія) — беларускі хірург, доктар медыцыны (1805). Першым прапанаваў лячыць пераломы з дапамогай гіпса.
1886 — Станкевіч Станіслаў Лявонавіч (вёска Арляняты, цяпер Смаргонскі раён, Гродзенская вобласць) — беларускі выдавец, паэт.
1888 — Барысевіч (у дзявоцтве Навіцкая) Ганна Адамаўна (вёска Буды паблізу г. Ігумен, цяпер г. Чэрвень, Мінская вобласць) — найстарэйшая, незарэгістраваная ў Кнізе рэкордаў Гінэса, жыхарка Беларусі. На час смерці была найстарэйшай жыхаркай Беларусі і, паводле сродкаў масавай інфармацыі, пражыла 118 гадоў і 281 дзень (памерла 23 лютага 2007).
1910 — Леановіч Павел Антонавіч (вёска Чухны, цяпер Смаргонскі раён, Гродзенская вобласць) — беларускі геолаг. Заслужаны геолаг-разведчык БССР (1968).
1911 — Крайко Аляксей Іванавіч (вёска Раўнаполле, цяпер Пухавіцкі раён, Мінская вобласць) — вайсковец, пехацінец, шараговы, удзельнік Другой сусветнай вайны, Герой Савецкага Саюза (1943, пасмяротна).
1913 — Кісялёў Рыгор Якаўлевіч (вёска Мікалаеўка, цяпер Буда-Кашалёўскі раён, Гомельская вобласць) — беларускі дзяржаўны дзеяч, міністр культуры БССР (1953-1964), міністр асветы БССР (1964-1968), намеснік Старшыні Савета Міністраў БССР (1968-10.04.1970). Кандыдат гістарычных навук (1951). Заслужаны дзеяч культуры БССР (1963).
1916 — Атаеў Сяргей Сяргеевіч (г. Камянец-Падольскі, Хмяльніцкая вобласць, Україна) — беларускі вучоны ў галіне будаўніцтва, доктар тэхнічных навук, прафесар (1963). Заслужаны дзеяч навукі і тэхнікі БССР (1980).
1917 — Гардон Меер Барысавіч (вёска Юравічы, цяпер Калінкавіцкі раён, Гомельская вобласць) — расійскі інжынер, доктар тэхнічных навук, прафесар (1977). Заслужаны дзеяч навукі Чувашскай АССР (1981).
1925 — Дронаў Фёдар Амосавіч (г. Крамянчуг, Україна) — беларускі эканаміст, доктар эканамічных навук (1976), прафесар (1979), член-карэспандэнт Акадэміі навук БССР (1986). Заслужаны эканаміст БССР (1985).
1927 — Шакінка Леанід Ісідоравіч (вёска Старыны, цяпер Лёзненскі раён, Віцебская вобласць) — беларускі мастак-графік, працаваў у станковай і кніжнай графіцы, у тэхніках лінагравюры, афорта, літаграфіі, акварэлі.
1929 — Табола Алег Іванавіч (вёска Завазёрцы, цяпер Шаркоўшчынскі раён, Віцебская вобласць) — удзельнік маладзёвага антысавецкага падполля ў Глыбокім “Саюз Беларускіх патрыётаў”. Вязень ГУЛагу.
1934 — Дубікоўскі Георгій Пятровіч (г. Гродна) — беларускі вучоны ў галіне глебазнаўства, доктар сельскагаспадарчых навук (1976), прафесар (1987).
1935 — Каўрус Алесь Аляксандравіч (вёска Бруся, цяпер Мядзельскі раён, Мінская вобласць) — беларускі мовазнавец, кандыдат філалагічных навук (1975), дацэнт, старшы навуковы супрацоўнік Інстытута мовазнаўства, быў зволены з працы на падставе абвінавачанняў у беларускім нацыяналізме.
1937 — Паўлюкевіч Мікалай Уладзіміравіч (вёска Бондары, цяпер Слуцкі раён, Мінская вобласць) — беларускі вучоны ў галіне цеплафізікі, доктар фізіка-матэматычных авук (1991), член-карэспандэнт Нацыянальнай акадэміі навук Беларусі (1994).
1938 — Казінец Міхаіл Антонавіч (вёска Цынцавічы, цяпер Віленскі раён, Мінская вобласць) — беларускі дырыжор, педагог. Народны артыст Беларусі (1987).
1940 — Чыквін Ян (вёска Дубічы Царкоўныя, Гайнаўскі павет, Падляскае ваяводства, Польш-ча) — беларускі паэт, перакладчык, які жыве ў Польшчы, гісторык беларускай і рускай літаратуры, доктар гуманітарных навукаў, прафэсар, грамадзкі дзеяч.
1942 — Дамброўская Рэгіна — беларуская актрыса тэатра і кіно, казачніца ў “Калыханцы”.
1946 — Баркоўскі Яўген Віктаравіч (г. Мінск) — беларуски біяхімік, доктар біялагічных навук (1987), прафесар (1989).
1946 — Волчак Ігар Віктаравіч (г. Мінск) — беларускі мульціплікатар, рэжысёр, кампазітар мульціплікацыйнага і гульнёвага кіно кінастудыі “Беларусьфільм”. Двойчы быў абраны на надзвычай-ных з'ездах старшынёй Беларускага саюза кінематаграфістаў. У 1992—1997 гадах — дацэнт кафедры кіно і тэлебачання, кіраўнік курса рэжысёраў-аніматараў Беларускай дзяржаўнай акадэміі мастацтваў. Напісаў музыку больш чым да 40 фільмаў (дакументальныя, гульнявыя, мультыплікацыйныя). Рэжысёр вышэйшай катэгорыі. Мастацкі кіраўнік студыі анімацыйных фільмаў кінастудыі «Беларусьфільм».
1946 — Гадулька Васіль Уладзіміравіч (вёска Федзькавічы, цяпер Жабінкаўскі раён, Брэсцкая вобласць) — беларускі паэт, перакладчык, педагог.
1948 — Часноўскі Мечыслаў Эдвардавіч (вёска Коцеўшчына, Валожынскі раён, Мінская вобласць) — беларускі гісторык, дыпламат, доктар гістарычных навук (2001).
1949 — Кірычук Сцяпан Міхайлавіч (вёска Мазуры, Кобрынскі раён, Брэсцкая вобласць) — расійскі навуковы і дзяржаўны дзеяч, кандыдат тэхнічных навук (1999), доктар сацыялагічных навук, дацэнт, чатырохразова выбіраўся мэрам Цюмені, у 2005 годзе выбраны членам Савета Фэдэрацыі ад Цюменскай вобласці.
1952 — Кілін Сяргей Якаўлевіч (г. Гомель) — беларускі вучоны ў галіне квантавай оптыкі і квантавай інфарматыкі, доктар фізіка-матэматычных навук (1992), прафесар (2006), член-карэспандэнт Нацыянальнай акадэміі навук Беларусі (2009), акадэмік Нацыянальнай акадэміі навук Беларусі (2014).
1954 — Аксаміт Мікола (Мікалай Уладзіміравіч) — беларускі палітык і праваабаронца, у 1990-1995 гадах адзін з членаў Апазіцыі БНФ у складзе Вярхоўнага Савета БССР 12-га склікання.
1958 — Максімюк Ян (вёска Ляхі Падляскае ваеводства, Польшча) — беларускі журналіст, перакладчык, крытык і літаратар на Беласточчыне. Арганізатар Беларускага Аб’яднання Студэнтаў у Польшчы (1981), заснавальнік студэнцкага часопісу “Сустрэчы”. Суарганізатар Беларускага Дэмакратычнага Аб’яднання (1990). Адзін з стваральнікаў літаратурнай нормы падляшскіх гаворак — падляшскай мовы.
1964 — Батракова Наталля Мікалаеўна (г. Белынічы, Магілёўская вобласць) — беларуская рускамоўная пісьменніца і паэтэса.
1968 — Мартынаў Сяргей Анатолевіч (г. Вярэя, Маскоўская вобласць, Расія) — беларускі спартовец (кулявая стральба), удзельнік шасці Алімпійскіх гульняў, Алімпійскі чэмпіён (бронза – Сідней 2000 і Афіны 2004, золата – Лондан 2012).
1972 — Кулінковіч Аляксандр Міхайлавіч (г. Смалявічы, Мінская вобласць) — беларускі рок-музыкант, журналіст, паэт, заснавальнік і вакаліст гурта “Neuro Dubel”.
1973 — Далідовіч Сяргей Мікалаевіч (г. Орша, Віцебская вобласць) — беларускі лыжнік, пераможца этапу Кубка свету (2001), удзельнік сямі Алімпійскіх гульняў.
1983 — Кучар Надзея Анатольеўна (г. Мінск) — беларуская оперная спявачка (сапрана), пераможца конкурсу оперных спевакоў “Спявак Свету – 2015”.
1996 — Асанаў Дзмітрый Сяргеевіч (г. Маладзечна, Мінская вобласць) — беларускі баксёр, бронзавы прызёр чэмпіянату свету 2015 года, срэбны прызёр Еўрапейскіх гульняў 2015 года.

ПАМЕРЛІ:
1910 — Ажэшка Эліза (г Гродна) — беларуская польскамоўная пісьменьніца, грамадзкі дзеяч і педагог эпохі пазытывізму, удзельніца паўстання 1863-1864 гг. Ад 1869 г. жыла ў Гродне, дзе і пахавана.
1937 — Гедэман Отан (г. Вільня, цяпер г. Вільнюс, Літва) — беларускі і польскі гісторык, краязнаўца, педагог. Збіраў матэрыялы па гісторыі Браслаўшчыны, сярэдняга Падзвіння, Белавежскай пушчы. Выдаў кнігі пра Дзісну, Друю, Глыбокае, Браслаў, Браслаўскі павет.
1977 — Андрэй Блажэвіч (сапр. Вангін Андрэй) (мястэчка Гнеў, Польшча) — беларускі акцёр, тэатральны дзеяч. Вядучы акцёр трупы Галубка – Беларускага дзяржаўнага вандроўнага тэатра. Вязень ГУЛагу.
1980 ― Маркевіч Леанід Аляксеевіч (г. Мінск) ― беларускі кампазітар, дырыжор. Заслужаны артыст БССР (1944).
1983 — Багушэвіч Юрый (Георгій Канстанцінавіч) (г. Мінск) — беларускі пісьменнік і перакладчык.
1986 — Лунец Яўген Фёдаравіч (г. Мінск) — беларускі вучоны ў галіне нейрафізіялогіі, доктар медыцынскіх навук (1973), прафесар (1982).
1999 — Ганько Мікола (г. Таронта, Канада) — беларускі публіцыст, грамадскі і культурны дзеяч на эміграцыі ў Аўстрыі і Канадзе.
1999 — Троіцкі Мікалай Аляксандравіч (г. Мінск) — беларускі вучоны ў галіне генетыкі мікраарганізмаў, доктар біялагічных навук (1970), прафесар (1972).
2000 — Кудрэвіч Раіса Уладзіміраўна (г. Мінск) — беларускі жывапісец і графік. Працавала ў станковым жывапісе ў жанрах карціны, партрэта, пейзажу, нацюрморта. Заслужаны дзеяч мастацтваў БССР (1968). Народны мастак Беларусі (1999).
2001 — Лятун Уладзімір Міхайлавіч (г. Мінск) — беларускі скульптар. Аўтар эскіза першай сучаснай беларускай дзяржаўнай ўзнагароды — медалю Ф. Скарыны (1989).
2014 — Вацякоў Веньямін Іосіфавіч (г. Мінск) — беларускі вірусолаг, доктар медыцынскіх навук (1965), прафесар (1966), акадэмік Акадэміі навук Беларусі (1995).
2016 — Аблажэй Алег (г. Вільнюс, Літва) — беларускі мастак і грамадскі дзеяч. Займаўся жывапісам, акварэллю, ілюстраваў кнігі.
2020 — Вандзілоўскі Пётр Віктаравіч (г. Мінск) — беларускі дырыжор і музычны педагог, дацэнт. У 1991—2001 галоўны дырыжор дзяржаўнага аркестра «Няміга», у 1992—2003 дырыжор Дзяржаўнага акадэмічнага сімфанічнага аркестра Рэспублікі Беларусь. Адначасова з 1997 загадчык кафедры, з 2000 кіраўнік камернага аркестра «Gradus ad Parnassum» Беларускай акадэміі музыкі. У 2003—2009 мастацкі кіраўнік і галоўны дырыжор Дзяржаўнага камернага аркестра Рэспублікі Беларусь. Запісаў шэраг твораў нацыянальнай і сусветнай музыкі ў фонд Беларускага радыё.
2021 — Гусак Станіслаў (г. Мінск) — беларускі палітык, адзін з пачынальнікаў дэмакратычнага руху ў Беларусі, адзін з заснавальнікаў Аб’яднанай дэмакратычнай партыі, сябра Беларускага Народнага Фронту, эканаміст, аўтар праекту Балта-Чарнаморскага нафтавага калектару.