1657 — у Янава Палескім па працяглых катаваннях казакі забілі каталіцкага місіянера Андрэя Баболю.
1674 — каралём польскім і вялікім князем літоўскім абраны Ян Сабескі (быў ім да 1696 г.).
1686 — паміж Рэччу Паспалітай і Маскоўскай дзяржавай заключаны "вечны мір". Дзень памяці ахвяраў вайны 1654 - 1667 гадоў.
1889 — упершыню апублікавана паэма «Тарас на Парнасе» (у газеце «Минскій листокѣ»).
1986 — у Гродна адкрыўся Дом-музей Максіма Багдановіча.
1995 — кіраўнік спраў прэзідэнта Іван Іванавіч Ціцянкоў зняў з даху Дому ўраду і разарваў на кавалкі нацыянальны бел-чырвона-белы сцяг беларусаў.
1996 — у Вільні ўсталявана памятная дошка Пётру Сергіевічу.

НАРАДЗІЛІСЯ:
1699 — Флемінг Ян Юры Дэтлаў (г. Івен, Германія) — дзяржаўны дзеяч Рэчы Паспалiтай. Генерал артылерыі Вялікага Княства Літоўскага (1738-1746), падскарбі вялікі літоўскі (1746-1764), ваявода паморскі з 1766 года.
1716 — Радзівіл (дзявочае Рэй) Соф’я — жонка князя Радзівіла Удальрыка Крыштафа. Памерла ў 1748 годзе.
1755 — Касакоўскі Ян Непамуцэн (мястэчка Голча, цяпер Малапольскае ваяводства, Польшча) — дзяржаўны і рэлігійны дзеяч Вялiкага Княства Лiтоўскага, біскуп віленскі (ад 9 жніўня 1798).
1762 — Копаць Юзаф Станіслававіч (пад Пінскам), — удзельнік вызваленчага руху 1794 года на Беларусі і ў Польшчы, падарожнік, мемуарыст. У бітве пад Мацеёвічамі быў паранен і трапіў у палон. Знаходзіўся ў турмах Кіева і Смаленска. Асуджаны і сасланы на Камчатку, дзе знаходзіўся каля 2 гадоў. Памёр у 1827 годзе ў вёсцы Дрысвяты Браслаўскага раёна, дзе і пахаваны.
1805 — Мікалай Герасімавіч Устралаў (сяло Багародзіцкае, Арлоўская губерня, Расія) — расійскі гісторык, прадстаўнік афіцыйнай дваранскай гістарыяграфіі, археограф, прафесар (1837), першы з гісторыкаў адвёў значнае месца ў рускай гісторыі Вялікаму Княству Літоўскаму.
1831 — Луцкевіч Ян Баляслаў — вайсковец Расійскай імперыі, удзельнік Крымскай вайны ў чыне капітана, бацька Яна і Антона Луцкевічаў.
1909 — Акулін Аркадзь Андрэевіч (вёска Вялікая Лазараўка, Таракоўскі раён, Тамбоўская вобласць, Расія) — беларускі марфолаг, доктар біялагічных навук (1958), прафесар (1960). Памёр у 1986 годзе ў Гродна.
1911 — Васіль Вітка (сапр. Крысько Цімох Васілевіч) (вёска Еўлічы, цяпер Слуцкі раён, Мінская вобласць) — беларускі паэт, перакладчык, крытык, публіцыст, педагог, класік беларускай дзіцячай літаратуры, заслужаны дзеяч культуры БССР (1970).
1912 — Абрасімаў Пётр Андрэевіч (гарадскі пасёлак Багушэўск, Сененскі раён, Віцебская вобласць) — савецкі партыйны і дзяржаўны дзеяч, дыпламат, доктар гістарычных навук. Першы сакратар Смаленскага абкама КПСС (11.02.1962-снежань 1962), старшыня Дзяржаўнага камітэта СССР па замежным турызме (31.05.1983-27.02.1985).
1919 — Пацееў Мікалай Паўлавіч (г. Рагачоў, Гомельская вобласць) — вайсковец, танкіст, старэйшы лейтэнант, удзельнік Другой сусветнай вайны, Герой Савецкага Саюза (24.03.1945).
1919 — Шчурык Міхаіл Аляксандравіч (г. Гродна) — расійскі скрыпач, кампазітар, педагог. Аўтар больш за 60 п’ес для скрыпкі сола.
1921 — Мельнікаў Міхась (Міхаіл Фёдаравіч) (г. Крычаў, Магілёўская вобласць) — краязнавец, музейны работнік, стваральнік Крычаўскага краязнаўчага музея. Заслужаны работнік культуры БССР (1979). Вязень ГУЛагу.
1925 — Ісачанка Уладзімір Рыгоравіч (г. Гомель) — беларускі архітэктар. Асноўныя працы: дамы афіцэраў у Лідзе (1954-1956), Баранавічах (1958-1960), Мінску (Уручча, 1968), Мазыры (1966-1969), Гродне (1967-1974), лёгкаатлетычны манеж ва Уруччы (1976) і іншыя. Заслужаны архітэктар Беларусі (1998).
1930 — Чарнабаеў Віктар Максімавіч (г. Новарасійск, Расія) — беларускі спявак (бас). Народны артыст БССР (1964).
1936 — Караічаў Леў Сяргеевіч (г. Разянь, Расія) — беларускі публіцыст, тэатральны і кінакрытык, драматург.
1948 — Пырх Ігар Іванавіч — беларускі палітык, у 1990-1995 гадах адзін з членаў Апазіцыі БНФ у складзе Вярхоўнага Савета БССР 12-га склікання.
1950 — Батура Міхаіл Паўлавіч (вёска Клюкавічы, Навагрудскі раён, Гродзенская вобласць) —беларускі вучоны ў галіне сістэмнага аналізу, кіравання і апрацоўкі інфармацыі ў тэхнічных і арганізацыйных сістэмах, доктар тэхнічных навук (2000), прафесар (2004).
1950 — Палівода Ігар Ігаравіч (г. Стэрлітамак, Башкарастан, Расія) — беларускі кампазітар, піяніст. Аўтар песень на вершы беларускіх паэтаў Леаніда Пранчака, Рыгора Барадуліна, Генадзя Бураўкіна, Вольгі Іпатавай, Уладзіміра Някляева і іншых.
1955 — Корбут Вольга Валянцінаўна (г. Гродна) — беларуская гімнастка, чатырохразовая алімпійская чэмпіёнка. Заслужаны майстар спорту СССР (1972). З 1991 года на эміграцыі ў ЗША.
1956 — Марфіцкі Аляксандр Эдуардавіч (гарадскі пасёлак Багушэўск, Сенненскі раён, Віцебская вобласць) — беларускі ваенны лётчык першага класа, палкоўнік, намеснік камандуючага аператыўна-тэхнічным камандаваннем ВПС і войскаў СПА Беларусі. Загінуў падчас выканання фігуры пілатажу на “Radom Air Show 2009”.
1957 — Багадзяж Мікола Канстанцінавіч (вёска Траянаўка, Барысаўскі раён, Мінская вобласць) — беларускі гісторык і журналіст.
1971 — Шумілін Аляксандр Генадзевіч (вёска Куроўшчына, Бярозаўскі раён, Брэсцкая вобласць) — беларускі дзяржаўны дзеяч, старшыня Дзяржаўнага камітэта па навуцы і тэхналогіях (15.10.2013-21.12.2021).

ПАМЕРЛІ:
1657 — Андрэй Баболя (мястэчка Янава Палескае, цяпер г. Іванава, Брэсцкая вобласць) — забіты казакамі рымска-каталіцкі дзеяч, місіянер, пазней прызнаны святым і кананізаваны. Скончыў Віленскую езуіцкую акадэмію (1616), Віленскую тэалагічную акадэмію (1622). Член ордэна езуітаў (1611), ксёндз (1622). Працаваў у езуіцкіх установах Нясвіжа (1623-24), Вільні (1625-30), Бабруйска (1630-33), Плоцка (1633-38), Варшавы і Ломжы (1638-42), з 1642 у Пінску. Пахаваны ў Пінску.
1739 — Сапега Антоні Казімір (г. Дрэздан, Германія) — дзяржаўны дзеяч Вялікага Княства Літоўскага, стольнік літоўскі (1706-1709), кашталян трокскі (з 1737).
1775 — Булгак Ян (г. Полацк, Віцебская вобласць) — езуіцкі святар і пдагог. Місіянер у Асвеі (1751-1755), Замошшы (1756-1758) і Расне (1759-1766). У 1774-1775 гадах працаваў у Полацкім езуіцкім калегіуме.
1904 — Неўраў Мікалай Васільевіч (маёнтак Лыскаўшчына, цяпер Круглянскі раён, Магілёўская вобласць) — рускі гістарычны і жанравы жывапісец, адзін з яскравых і буйнейшых мастакоў пакалення прадстаўнікоў Таварыства перасоўных мастацкіх выставак, якія вызначалі развіццё і сацыяльную накіраванасць рускага мастацтва другой паловы ХІХ стагоддзя. Нарадзіўся ў 1830 годзе ў Маскве (Расія).
1916 — Вільчэўскі Валяр'ян — лекар, удзельнік паўстання 1863-1864 гг. у атрадзе Францішка Юндзіла (Слонімскі павет).
1947 — Пагодзін Аляксандр Львовіч (г. Бялград, Югаславія) — мовазнавец, гісторык, прафесар Варшаўскага (1902-1908) і Харкаўскага (1910-1919) універсітэтаў, у 1919-1941 працаваў у Бялградскім універсітэце, з 1939 — прафесар.
1950 — Корчыц Яўген Вітольдавіч (г. Мінск) — беларускі хірург, доктар медыцынскіх навук (1927), прафесар (1929). Заслужаны дзеяч навукі БССР.
1971 — Макаранка Іван Раманавіч (Веткаўскі раён, Гомельская вобласць) — вайсковец, пехацінец, старшы сяржант, удзельнік Другой сусветнай вайны, поўны кавалер ордэна Славы.
1979 — Канчар Яўсей Сцяпанавіч (г. Ленінград, Расія) — беларускі палітычны дзеяч, гісторык, публіцыст, вучоны ў галіне эканамічнай геаграфіі. Вязень ГУЛагу.
1993 — Курапаценка Фёдар Кузьміч (г. Мінск) — беларускі вучоны ў галіне землеўпарадкавання, прафесар (1961). Заслужаны работнік вышэйшай школы (1973).
1999 — Ганько Мікола (г. Таронта, Канада) – беларускі грамадскі і культурны дзеяч і публіцыст. Адзін з заснавальнікаў парафіі Св. Кірылы Тураўскага (БАПЦ) у Таронта, быў шматгадовым кіраўніком Згуртавання беларусаў у Канадзе. Адзін з ініцыятараў стварэння таварыства дапамогі дзе-цям — ахвярам Чарнобыльскай катастрофы. Яго жонка Марыя напісала ўспаміны «Каб сведчылі пра Беларусь: жыццё і дзейнасць Міколы Ганько», выдадзеныя ў Мінску ў 2005 годзе. Пахаваны разам з жонкай на могілках Пайн Хілс у Таронта.
2000 — Жыгуноў Уладзімір Раманавіч (г. Вароне, Расія) — вайсковец, лётчык, лейтэнант, удзельнік Другой сусветнай вайны, Герой Савецкага Саюза (27.06.1945).
2003 — Кручкова Ніна Міхайлаўна (г. Мінск) — беларускі біолаг-эколаг, доктар біялагічных навук (1984), прафесар. Яе асноўныя навуковыя інтарэсы звязаны з вывучэннем трафічных узаемаадносін водных арганізмаў і механізмаў біялагічнага самаачышчэння вадаёмаў.
2007 — Сільвановіч Аляксандр (г. Саўт-Рывер, штат Нью-Джэрсі, ЗША) — беларускі грамадскі дзеяц на эміграцыі ў ЗША. Член прэзідыума Рады БНР, член Рады і Кансісторыі Беларускай Аўтакефальнай Праваслаўнай царквы, супрацоўнік Беларускага Інстытуту Навукі і Мастацтва ў Нью-Ёрку. Удзельнічаў у арганізацыі і завозе ў Беларусь гуманітарнай дапамогі ахвярам Чарнобылю. Нарадзіўся ў 1937 годзе.
2013 — Сулкоўскі Уладзімір Якаўлевіч (г. Мінск) — беларускі мастак, сябра суполкі “Пагоня”, працаваў у станковым жывапісе ў жанрах тэматычнай карціны, пейзажа, нацюрморта.
2014 — Язерская Элеанора Аркадзеўна (г. Мінск) — беларуская радыё- і тэлевядучая, педагог, актрыса; адна з самых яркіх асоб беларускага музычнага бамонду. За ёй замацаваліся слава і вобраз “свецкай львіцы”.
2021 — Анішчанка Яўген Канстанцінавіч (г. Мінск) — беларускі гісторык, кандыдат гістарычных навук (1989), у 2004 годзе абараніў доктарскую дысертацыю на тэме “Палітычная гісторыя Беларусі ў часы падзелу Рэчы Паспалітай”, якая, не неба зацверджана Вышэйшай атэстацыйнай камісіяй Рэспублікі Беларусь.