1574 — у друкарні братоў Кузьмы і Лукаша Мамонічаў у Вільні Пётр Цімафеевіч Мсціславец пачаў друкаваць першую кнігу “Напрастольнае Евангелле (Чатырох-евангелле)”, завершылі друкаваць 30 сакавіка 1575 года.
1792 — створана так званая Таргавіцкая канфедэрацыя, дзе завадатарамі былі вялікі каронны гетман Ксаверы Браніцкі, польскі гетман Севярын Жавускі і Шчэсны Патоцкі. Са згоды канфедэратаў Прусія і Расія ўвялі ў Рэч Паспалітую свае войскі. Былі захопленыя тэрыторыі — Браслаў, Вушачы, Бабруйск, Глуск, Нясьвіж, Наваградак, Слонім.
1794 — у Гародню, пасля адыходу 5 траўня атрада генерала П. Цыцыянава на Наваградак, перабіраецца гарадзенская паўстанцкая “парадкавая камісія”. Яна была створана яшчэ 9 траўня ў Саколцы.
1831 — бой гарадзенскіх паўстанцаў з казацкімі сотнямі і ўланамі каля вёскі Ялаўка.
1869 — у Мінску запушчаны першы фантан, упрыгожаны скульптурнай кампазіцыяй “Хлопчык з лебедзем”.
1918 — Рада Беларускай Народнай Рэспублікі даручыла Раману Скірмуту фарміраванне новага ўраду БНР.
1920 — Чырвоная Армія перайшла ў наступ на польскім фронце, які, аднак, хутка захлібнуўся.
1948 — у Аўстралію з Заходняй Германіі прыехаў першы транспарт беларускіх бежанцаў.
1995 — у Беларусі адбыўся рэферэндум, які змяніў дзяржаўную сімволіку, надаў расійскай мове статус дзяржаўнай, зрабіў змены ў Канстытуцыі, надаўшы права прэзідэнту распускаць парламент, адобрыў эканамічную інтэграцыю з Расіяй.
1996 — у Мінску адбылася 5-тысячная дэманстрацыя супраць трымання пад арыштам удзельнікаў "Чарнобыльскага шляху".
2011 — асуджаны на 5 гадоў турмы былы кандыдат у прэзідэнты Андрэй Саннікаў.

НАРАДЗІЛІСЯ:
1666 — Пацей Казімір Аляксандр — дзяржаўны і ваенны дзеяч Вялікага Княства Літоўскага, харунжы троцкі (1662-1700), кашталян віцебскі (1700-1703) і троцкі (1703-1705), ваявода віцебскі (з 1705).
1814 — Касовіч Каэтан Андрэевіч (г. Полацк, Віцебская вобласць) — расійскі ўсходазнавец, санскрытолаг, іраніст і семітолаг.
1867 — Сапега Адам Стафан (г. Красічын, Польшча) — польскі рэлігійны і грамадскі дзеяч, з 1911 біскуп кракаўскі, з 1925 мітрапаліт кракаўскі, з 1926 архібіскуп мітрапаліт, з 1946 кардынал. У 1918-1919 адзін са стваральнікаў адзінай касцёльнай арганізацыі ў Польшчы. Утварыў свецкую арганізацыю католікаў “Акцыя каталіцка” і касцёльную дабрачынную арганізацыю “Карытас”.
1869 — Кругер Янкель Мордухавіч (г. Мінск) — беларускі жывапісец. Працаваў пераважна ў бытавым і партрэтным жанрах. Заслужаны дзеяч мастацтваў БССР (1939).
1899 — Куніцкі Тодар (вёска Повязынь, цяпер Маладзечанскі раён, Мінская вобласць) — лекар, адзін з заснавальнікаў Беларускага Студэнцкага Саюза ва Універсітэце Стэфана Баторыя ў Вільні і Беларускага Сялянскага Саюза.
1902 — Сінілаў Кузьма Раманавіч (вёска Бывалькі, цяпер Лоеўскі раён, Гомельская вобласць) — савецкі ваенаначальнік, генерал-маёр (1941), камендант Масквы.
1907 — Каравацкі Францішак Казіміравіч (фальварк Каладзянка, цяпер Мядзельскі раён, Мінская вобласць) — беларускі паэт, журналіст. Дзеяч беларускай эміграцыі ў Бельгіі. Вязень ГУЛагу. Памёр у 1988 годзе ў Бельгіі.
1907 — Жыновіч (Жыдовіч) Іосіф Іосіфавіч (вёска Арэшкавічы, цяпер Пухавіцкі раён, Мінская вобласць) — музыкант-цымбаліст, дырыжор, кампазітар і педагог. Народны артыст БССР (1955).
1908 — Ватацы Ніна Барысаўна (г. Цэсіс, цяпер Латвія) — беларускі бібліёграф. Заслужаны дзеяч культуры БССР (1963).
1910 — Старобінец Рыгор Лазаравіч (г. Беразіно, Мінская вобласць) — беларускі хімік, доктар хімічных навук (1955), прафесар (1956), член-карэспандэнт Акадэміі навук БССР (1969). Заслужаны дзеяч навукі БССР (1980).
1914 — Клопаў Аніс (Анісім) Андрэевіч (вёска Наваселле, цяпер Ушацкі раён, Віцебская вобласць) — вайсковец, сапёр-кулямётчык, малодшы сяржант, удзельнік Другой сусветнай вайны, поўны кавалер ордэна Славы.
1917 — Брыш Аркадзь Адамавіч (г. Мінск) — выбітны навуковец, канструктар, стваральнік ядзернай зброі. Заслужаны дзеяч навукі і тэхнікі Расійскай Федэрацыі.
1926 — Драгун Юрый Іосіфавіч (г. Мінск) — беларускі гісторык, археолаг, даследчык неславянскіх гарадзішчаў і селішчаў, курганных пахаванняў ХІ-ХІІ стст. на Міншчыне і Аршаншчыне, кандыдат гістарычных навук (1971).
1933 — Малафееў Анатоль Аляксандравіч (г. Гомель) — беларускі палітык, апошні Першы сакратар ЦК КП БССР (30.11.1990-25.08.1991), з сакавіка 1996 году стаў намеснікам старшыні Пастаяннай камісіі ВС Рэспублікі Беларусь па эканамічнай палітыцы і рэформам, з лістапада 1996 году быў прызначаны Старшынём Палаты прадстаўнікоў Нацыянальнага сходу Рэспублікі Беларусь (пры ім у лютым прыняты Выбарчы кодэкс), у 2004-2008 гадах узначальваў Пастаянную камісію Савета Рэспублікі Нацыянальнага Сходу Рэспублікі Беларусь па рэгіанальнай палітыцы і мясцовым самакіраванні.
1948 — Замяталін Уладзімір Пятровіч (г. Тула, Расія) — дзяржаўны дзеяч Рэспублікі Беларусь, з 1997 года віцэ-прэмьер па пытанням адукацыі, культуры і рэлігіі, з 28 снежня 2006 генеральня дырэктар кінастудзіі “Беларусьфільм”. У 1998 судзейнічаў развалу “Песняроў”, а у 1999 — ад’езду за граніцу Уладзіміра Някляева.
1948 — Усанаў Сяргей Аляксандравіч (вёска Ільіно, Валадарскі раён, Горкаўская вобласць, Расія) — біяхімік, доктар хімічных навук (1990), прафесар (2003), член-карэспандэнт Нацыянальнай акадэміі навук Беларусі (2004), акадэмік Нацыянальнай акадэміі навук Беларусі (2014).
1953 — Мрочак Аляксандр Генадзьевіч (г. Мінск) — вучоны ў галіне тэрапеўтычнай кардыялогіі, доктар медыцынскіх навук (1987), прафесар (1989), член-карэспандэнт Нацыянальнай акадэміі навук Беларусі (2004), акадэмік Нацыянальнай акадэміі навук Беларусі (2009). Выдатнік аховы здароўя Рэспублікі Беларусь (2000). Заслужаны дзеяч навукі Рэспублікі Беларусь (2015).
1955 — Данілаў Аляксандр Мікалаевіч (г. Віцебск) — беларускі сацыёлаг, доктар сацыялагічных навук (1994), прафесар (1997), член-карэспандэнт Нацыянальнай акадэміі навук Беларусі (1996).
1956 — Мацкевіч Уладзімір Уладзіміравіч (г. Чаромхава, Іркуцкая вобласць, Расія) — беларускі філосаф і метадолаг, грамадска-палітычны дзеяч, тэлевядучы. Заснавальнік і кіраўнік Агенцтва гуманітарных тэхналогій (Мінск). Першы кіраўнік Рады Міжнароднага кансорцыума “ЕўраБеларусь” (2011-2016). Заснавальнік праграмы стварэння сучаснага ўніверсітэта ў Беларусі “Лятучы ўніверсытэт”.
1963 — Шамава Таццяна Міхайлаўна (г. Казань, Татарстан, Расія) — беларускі неўролаг, доктар медыцынскіх навук (2008), прафесар (2010).
1967 — Парсюкевіч Сяргей Ягоравіч (г. Віцебск) — беларускі прадпрымальнік. У сакавіку 2008 года абвінавачаны ў гвалце супраць супрацоўніка міліцыі, далі два з паловай гады, але вызвалілі ўжо ў жніўні.
1969 — Гулевіч Віктар Уладзіміравіч (вёска Вялікая Падзер, Слуцкі раён, Мінская вобласць) — беларускі ваеначальнік, генерал-маёр (2020), начальнік Генеральнага штаба Узброеных Сіл Рэспублікі Беларусь (11.03.2021-).
1969 — Елізараў Алесь (г. Салігорск, Мінская вобласць) — беларускі мастак-авангардыст. Быў аўтарам і ўдзельнікам шматлікіх персанальных і калектыўных выстаў. Большасць карцін Елізарава не мае назваў і дакладнай даты напісання. Па чутках, апошняя карціна Елізарава «Адзінокае неба» была набыта сузаснавальнікам карпарацыі «Майкрасофт» Стывам Бламерам.
1989 — Талай Аліна Генадзеўна (г. Орша, Віцебская вобласць) — беларуская лёгкаатлетка (бег на 100 метраў з барьерамі). Прызёр чэмпіянату міра і Еўропы.

ПАМЕРЛІ:
1677 — Вайшнаровіч Казімір Ян (г. Вільня, цяпер г. Вільнюс, Літва) — дзеяч каталіцкай царквы, юрыст, пісьменнік, аратар, прапаведнік, доктар філасофіі (1642), доктар тэалогіі і абодвух правоў. У 1644 годзе выдаў збор акалічнасных прамоў “Палітычны аратар, які служыць розным пахвальным актам”, які мей характар падручніка рыторыкі. У 1662 годзе фундаваў кафедру палітыкі ў Віленскай акадэміі (адкрыта ў 1677 годзе) і падараваў ёй сваю бібліятэку.
1944 — Пінчук Рыгор Сяргеевіч (Ленінградская вобласць, Расія) — вайсковец, капітан, камандзір самалёта, удзельнік Другой сусветнай вайны, Герой Савецкага Саюза (07.02.1940).
1962 — Сапрыка Ганна Іосіфаўна (г. Мінск) — беларуская пісьменніца, перакладчык.
1994 — Грабчыкаў Сцяпан Мітрафанавіч (г. Мінск) — беларускі мовазнаўца, кандыдат філалагічных навук.
1994 — Шырын Лявон (Леанід Іванавіч) (г. Мінск) — беларускі паэт.
2000 — Жолтак Валяр’яна Канстанцінаўна (г. Мінск) — беларускі мастак-жывапісец. Працавала ў галіне станковага жывапісу ў жанрах тэматычнай карціны, партрэта, пейзажа, нацюрморта. Заслужаны дзеяч мастацтваў Рэспублікі Беларусь (1999).
2003 — Мохарт Вячаслаў Андрэевіч (г. Мінск) — беларускі вучоны ў галіне ўралогіі, доктар медыцынскіх навук (1969). Заслужаны дзеяч навукі БССР (1982).
2005 — Малажай Галіна Мікалаеўна (г. Мінск) — беларускі мовазнавец, кандыдат філалагічных навук (1971), прафесар (1988). Выдатнік народнай асветы (1983).
2007 — Сільвановіч Алекс (г. Саўт-Рывер, штат Нью-Джэрзі, ЗША) — беларускі грамадскі дзеяч у ЗША, працягам 30 гадоў выконваў абавязкі скарбніка прыходу царквы Жыровіцкай Божай Маці ў Гайлэнд-Парку, уваходзіў у склад Кансысторыі БАПЦ, супрацоўнік дабрачыннай арганізацыі Сіты Гоўп дапамогі пацярпелым ад Чарнобыля.
2012 — Нямцоў Валянцін Барысавіч (г. Мінск) — беларускі вучоны ў галіне статыстычнай механікі, доктар фізіка-матэматычных навук (1988), прафесар (1989).
2014 — Галаўко Анатоль Аляксандравіч (г. Мінск) — прафесар, заслужаны юрыст Рэспублікі Беларусь (1990), кіраўнік дэлегацыі БССР на Жэнеўскай канферэнцыі ААН (1975), у 1985-1990 гадах прадстаўляў БССР у Пастаяннай Палаце Міжнароднага трацейскага суда (Гаага).
2014 — Мельнікаў Алег Уладзіміравіч (г. Мінск) — беларускі матэматык, доктар фізіка-матэматычных навук (1990), прафесар (1993).