1897 — папскі сакратар кардынал Рамполля ад імя Папы Рымскага Льва ХІІІ паведаміў арцыбіскупа Казлоўскага, што Апостальская Сталіца дае яму права дазволіць пробашчам карыстацца ў казаннях мовай беларускай там, дзе карыстаецца гэтай мовай народ.
1943 — трагедыя ў Налібоках, расправа савецкіх партызан над вясковымі жыхарамі.
1945 — у Берліне (Германія) падпісаны Акт аб капітуляцыі Германіі — скончылася Другая сусветная вайна ў Еўропе.
1965 — Брэсцкай крэпасці прысвоена званне герой з уручэннем “Залатой зоркі”.
1993 — заснавана літаратурная суполка “Таварыства Вольных Літаратараў”. Складаецца пераважна з пісьменнікаў Полачыны і Гродзеншчыны. Галоўны кардынатар — Алесь Аркуш. Сябры Рады — Юрый Гумянок, Вінцэсь Мудроў, Ігар Сідарук, Юрась Пацюпа, Сяргей Шыдлоўскі. Выдае альманах “Калосьсе”.

НАРАДЗІЛІСЯ:
1881 — епіскап Іаан (свецкае імя Пашын Іван Дзмітрыевіч) (г. Петрыкаў, Гомельская вобласць) — беларускі праваслаўны дзеяч, архіерэй, свяшчэннамучанік, епіскап Тураўскі (1923-1926), епіскап Рыльскі (1929-1933). Вязень ГУЛагу.
1883 — Некрашэвіч Сцяпан Міхайлавіч (фальварк Данiлоўка, цяпер Светлагорскі раён, Гомельская вобласць)— беларускі мовазнавец і грамадскі дзеяч, ініцыятар стварэння і першы старшы-ня Ιнстытута беларускай культуры (цяпер Нацыянальная Акадэмія навук Беларусі). Адзін з стваральнікаў сучаснай беларускай мовы. Вязень ГУЛагу.
1896 — Дамброўскі Антон (веска Кавалішкі, цяпер Браслаўскі раён, Віцебская вобласць) — каталіцкі святар усходняга абраду, тэолаг, прафесар філасофіі, рэлігійны і культурны дзеяч, удзельнік беларускага хрысціянскага руху ХХ ст., педагог і публіцыст.
1902 — Кавалёў Рыгор Сямёнавіч (вёска Вялікая Крушынаўка, цяпер Рагачоўскі раён, Гомельская вобласць) — вайсковец, сяржант, удзельнік Другой сусветнай вайны, Герой Савецкага Саюза (24.03.1945, пасмяротна).
1906 — Шынко Лідзія Пятроўна (г. Варшава, Польшча) — беларуская актрыса, заслужаная артыстка БССР (1946).
1915 — Фраленка Алена Уладзіміраўна (мястэчка Дрыса, цяпер г. Верзнядзвінск, Віцебская вобласць) — беларускі лекар, вучоны, доктар медыцынскіх навук (1970), прафесар (1973).
1919 — Пушкарь Мікалай Нікітавіч (Белгародская вобласць, Расія) — беларускі мастак-кераміст. Стварыў з гліны цэлую галерэю вобразаў мясцовых жыхароў-палешукоў. Моцных людзей, якія не пасуюць перад цяжкасцямі, аптымістаў, шчырых сэрцам, з працавітымі рукамі ды мяккім беларускім гумарам. Прымаў удзел і ў стварэнні ў Мазыры мемарыяльнага комплексу «Курган Славы» — ён прысвечаны воінам і партызанам, што загінулі ў баях за вызваленне горада ад фашыстаў. На грамадскіх пачатках Пушкар стварыў на мясцовай фабрыцы мастацкіх вырабаў цэх керамікі, дзе навучаў усіх жадаючых, як ляпіць з гліны, як яе абпальваць. Заслужаны дзеяч мастацтваў БССР (1990).
1922 — Дзічкоўскі Барыс (г. Лунінец, Брэсцкая вобласць) — сябра Саюза беларускай моладзі, кіраўнік Ганцавіцкай акругі СБМ. Летам 1944 г. выехаў у Германію, накіраваны ў асяродак падрыхтоўкі дружыннікаў Люфтвафэ ў г. Эгер (цяпер г. Хеб, Чэхія). Пасля вайны апынуўся ў Польшчы, жыў ва Уроцлаве. Арыштаваны ў 1948 г. Далейшы лёс невядомы.
1923 — Дольнікаў Рыгор Усцінавіч (вёска Сахараўка, цяпер Горацкі раён, Магілёўская вобласць) — вайсковец, лётчык, удзельнік Другой сусветнай вайны, Герой Савецкага Саюза (1978). Заслужаны лётчык СССР (1965). Кандыдат гістарычных навук.
1927 — Сідараў Юрый Уладзіміравіч (сяло Рап’ёўка, Саратаўская вобласць, Расія) — беларускі акцёр тэатра і кіно. Народны артыст Беларусі (1977).
1933 — Давыдзенка Ніна Сцяпанаўна (г. Віцебск) — беларуская артыстка балета. Народная артыстка Беларусі (1964).
1934 — Ганчароў Мікола (Мікалай Іванавіч) (вёска Заполле, цяпер Віцебскі раён, Віцебская вобласць) — беларускі графік, мастацтвазнавец, пісьменнік.
1938 — Мілюкоў Анатоль Іларыёнавіч (вёска Вішар, цяпер Калінкавіцкі раён, Гомельская вобласць) — расійскі дзяржаўны дзеяч, доктар эканамічных навук (1980), прафесар (1980).
1939 — Курашык Віталь Уладзіміравіч (вёска Дзівін, цяпер Кобрынскі раён, Брэсцкая вобласць) — украінскі і беларускі палітычны дзеяч, беларускі дыпламат. Старшыня Савета Міністраў Рэспублікі Крым (22.03.1991-20.05.1993). Надзвычайны і Паўнамоцны Пасол Рэспублікі Беларусь на Украіне (11.05.1993-14.07.2001).
1942 — Сарэла Станіслаў Браніслававіч (вёска Эйтуны, цяпер Лідскі раён, Гродзенская вобласць) — беларускі спецыяліст у галіне апрацоўкі металаў ціскам, кандыдат тэхнічных навук (1971), дацэнт (1977).
1945 — Місевіч Уладзіслаў Людвігавіч (г. Оренбург, Расія) — беларускі музыкант, удзельнік ВІА “Песняры” (1968-1992), вакал, саксафон, флейта. Заслужаны артыст БССР (1979). Адзін з заснавальнікаў і ўдзельнікаў ВІА “Беларускія песняры” з 1998 года.
1949 — Смірнова Ларыса Мікалаеўна (г. Полацк, Віцебская вобласць) — беларускі архітэктар. Аўтар больш як 50 горадабудаўнічых праектаў і навукова-даследчых работ, генеральныя планы гарадоў (Брэст, Магілёў, Гродна, Гомель, Віцебск 2003), праект парку забаў тыпу “Дыснэйлэнд” у прыгараднай зоне Мінска (2009), генеральны план горада энергетыкаў Астраўца (2009). Заслужаны архітэктар Рэспублікі Беларусь (2004).
1951 — Мурзёнак Пётр Пятровіч (вёска Дунілавічы, Пастаўскі раён, Віцебская вобласць) — беларускі вучоны ў галіне фізіялогіі, доктар медыцынскіх навук, паэт, грамадскі дзеяч беларускай дыяспары ў Канадзе.
1951 — Рацько Леанід Міхайлавіч (вёска Кель, Капыльскі раён, Мінская вобласць) — беларускі мастак, жывапісец, графік, дызайнер. Працуе ў вобласці жывапісу, графікі, дызайну, мастацкай апрацоўкі металу. Аформіў шэраг інтэр’ераў і экстэр’ераў грамадскіх будынкаў г. Брэста і Брэсцкай вобласці. Асноўныя работы ў інтэр’ерах: свяцільнікі і пано ў рэстаране «Юбілейны» i Палацы культуры прафсаюзаў (Брэст), дэкаратыўнае пано ў Маларыцкім доме культуры, кінатэатры «Мір» г. Брэста.
1954 — Навіцкі Уладзімір Мікалаевіч (г. Брэст) — беларускі спартыўны журналіст і тэлекаментатар. Заслужаны дзеяч культуры Рэспублікі Беларусь.
1969 — Каліта (народжаная Дзерунец) Іна (г. Брэст) — беларуская і чэшская лінгвістка, славістка, доктар філасофіі, кандыдат філалагічных навук.
1974 — Грушэцкі Алег Леанідавіч (г. Мінск) — беларускі літаратар, публіцыст, перакладчык, грамадскі дзеяч. Адраджэнец скаўтынгу на Беларусі, адзін з заснавальнікаў “Аб’яднання беларускіх скаўтаў”.
1978 — Паўловіч Вікторыя Уладзіміраўна (г. Мінск) — беларуская спартоўка, гулец у настольны тэніс, бронзавы прызёр чэмпіянату свету 2006 года, трохразовая чэмпіёнка Еўропы.
1985 — Чэрачэнь Сяргей Уладзіміравіч (г. Крычаў, Магілёўская вобласць) — беларускі палітык, старшыня партыі Беларуская сацыял-дэмакратычная Грамада (3.11.2018), кандыдат у Прэзідэнты Рэспублікі Беларусь на выбарах 2020 года.

ПАМЕРЛІ:
1551 — Радзівілл Барбара (г. Кракаў, Польшча) — каралева польская і вялікая княгіня літоўская (1550-1551), другая жонка Жыгімонта ІІ Аўгуста. Была яго каханкай 4 гады, у 1547 годзе яны патаемна ўступілі ў касцёльны шлюб. Пасля каранацыі 7 снежня 1550 года Барбара насіла карону 150 дзён. Загадкавыя абставіны смерці ад хуткацечнай хваробы далі падставы сучаснікам Барбары падазраваць у заўчаснай смерці маладой каралевы яе свякруху - каралеву Бону - і польскую магнатэрыю, якая не жадала ўзвышэння роду Радзівілаў.
1684 — Пац Мікалай Стэфан (мястэчка Рудава, Гарадзенскі павет) — дзяржаўны і рымска-каталіцкі дзеяч Вялікага Княства Літоўскага, біскуп віленскі (1671-1684). Нарадзіўся каля 1623 года.
1748 — Салагуб Ян Міхал (вёска Сава, цяпер Горацкі раён, Магілёўская вобласць) — дзяржаўны дзеяч Вялікага Княства Літоўскага, вялікі лоўчы літоўскі (1724-1731), вялікі падскарбі літоўскі (1731-1746), ваявода берасцейскі (1746-1748), маршалак Трыбунала Літоўскага ў 1730 і ў 1747. Нарадзіўся ў 1697 годзе.
1939 — Блажэвіч Іосіф Францавіч (г. Масква, Расія) — беларускага паходжання расійскі вайсковец, камдзіў (20.11.1935), адзін з кіраўнікоў супраць паветранай абароны. Вязень ГУЛагу.
1939 — Крачкоўскі Кліменцій Станіслававіч (г. Магадан, Расія) — беларускі эканаміст, настаўнік. Вязень ГУЛагу. Нарадзіўся ў 1905 годзе ў вёсцы Каселаны, цяпер Холмскі павет, Польшча.
1942 — Азараў Сямён Іванавіч (наваколле Касценгі, Лаўхскі раён, Карэлія, Расія) — вайсковец, падпалкоўнік, удзельнік савецка-фінскай і Другой сусветнай вайны, Герой Савецкага Саюза (22.02.1943, пасмяротна). Пахаваны ў брацкай магіле ў пасёлку Сасновы Лаўхскага раёна.
1945 — Аверын Міхаіл Ігнатавіч (ГУЛаг, Новасібірская вобласць, Расія) — беларускі дзяржаўны дзеяч, намеснік наркама Рабоча-сялянскай інспекцыі БССР (з красавіка 1933), старшыня Віцебскага гарадскога савета (1934-1935), з 1936 начальнік цэха Беларускай раёнай электрастанцыі, пасля дырэктар Полацкага цагельнага завода. Вязень ГУЛагу. Нарадзіўся ў 1891 годзе ў вёсцы Пачапава, цяпер Баранавіцкі раён, Брэсцкая вобласць.
1951 — Сямёнаў Аляксей Фадзеевіч (г. Бабруйск, Магілёўская вобласць) — вайсковец, сапёр, яфрэйтар, удзельнік Другой сусветнай вайны, поўны кавалер ордэна Славы.
1965 — Самусеў Андрэй Фёдаравіч (вёска Высокае, Рагачоўскі раён, Гомельская вобласць) — вайсковец, пяхацінец, шараговы, удзельнік Другой сусветнай вайны, Герой Савецкага Саюза (30.10.1943).
1983 — Хадасевіч-Лежэ Надзея (Надзея-Ванда) Пятроўна (г. Парыж, Францыя) — французская мастачка беларускага паходжання.
1998 — Паджараў Віктар Кузьміч (г. Мінск) — вучоны ў галіне лясной меліярацыі, рэкультывацыі і аховы зямель, доктар сельскагаспадарчых навук (1978), прафесар. Заслужаны лесавод БССР (1980).
1999 — Шаўцоў Сымон (г. Сідней, Аўстралія) — беларускі грамадскі дзеяч, пісьменнік, дзеяч эміграцыі ў Германіі і Аўстраліі.
2005 — Драчоў Пятро (Пётр Мікалаевіч) (г. Мінск) — беларускі мастак-графік. Працаваў у кніжнай станковай графіцы. Пахаваны на мінскіх Кальварыйскіх могілках.
2008 — Кірвель Анатоль Мяфодзьевіч (г. Санкт-Пецярбург, Расія) — беларускі пісьменнік, публіцыст, грамадска-культурны дзеяч.
2014 — Кудравец Анатоль Паўлавіч (г. Мінск) — беларускі пісьменнік, перакладчык, кінасцэнарыст.
2017 — Аўрамчык Мікола Якаўлевіч (г. Мінск) — беларускі паэт, пісьменнік, перакладчык.