1598 — у Вільні перавыданы Службоўнік.
1794 — у ноч з 22 на 23 красавіка Якуб Ясінскі ўзначаліў паўстанне ў Вільні, дзе частка расійскага войска была ўзята ў палон, частка адступіла. Артылерыйскае бамбаванне вуліц Вільні расійскай батарэяй.
1794 — выйшаў загад расійскай імператрыцы Кацярыны ІІ аб выкараненні уніі і забароне пераходу уніятаў у каталікі.
1863 — каля мястэчка Азёры (цяпер Гарадзенскі раён) адбыўся бой паміж паўстанцкім аддзелам Аляксандра Лянкевіча і расійскім войскам.
1919 — польскія войскі занялі Вільню.
1984 — у Мінску каля будынка на Траецкай Набяражнай 4 адбыўся канцэрт гурту “Мроя” — першы беларускі рок-канцэрт пад адкрытым небам. Канцэрт запачаткаваў удзел беларускіх музыкаў у нацыянальна-культурным і демакратычным адраджэнні краіны.
1994 — у Мінску пачалася першая сустрэча беларускай моладзі свету (доўжылася два дні, 200 дэлегатаў з краін былога СССР і Польшчы).

НАРАДЗІЛІСЯ:
1909 — Брагін Анатоль Міхайлавіч (сяло Новая Чыгла, Талаўскі раён, Варонежская вобласць, Расія) — беларускі вучоны ў галіне глебазнаўства і аграхімік, доктар сельскагаспадарчых навук (1969), прафесар (1970). Заслужаны работнік вышэйшай школы БССР (1979).
1917 — Канаваленка Уладзімір Ануфрыевіч (вёска Скрэбні, цяпер Віцебскі раён, Віцебская вобласць) — вайсковец, маёр, удзельнік савецка-фінскай (1939-1940) і Другой сусветнай войнаў, Герой Савецкага Саюза (1943).
1918 — Петушкоў Адам Захаравіч (вёска Фядотава Буда, цяпер Клімавіцкі раён, Магілёўская вобласць) — вайсковец, танкіст, старшы лейтэнант, удзельнік Другой сусветнай вайны, Герой Савецкага Саюза (10.01.1944).
1922 — Мінін Якаў Кірэевіч (вёска Шарсцін, цяпер Веткаўскі раён, Гомельская вобласць) — вайсковец, лётчык, лейтэнант, удзельнік Другой сусветнай вайны, Герой Савецкага Саюза (04.02.1944).
1926 — Федасеенка Уладзімір Канстанцінавіч (пасёлак Бор, цяпер Жлобінскі раён, Гомельская вобласць) — беларускі празаік.
1932 — Валюшкін Канстанцін Дзмітрыевіч (вёска Тыльцы, цяпер Сенненскі раён, Віцебская вобласць) — беларускі вучоны ў галіне ветэрынарыі, доктар ветэрынарных навук (1988), прафесар (1990).
1936 — Лухвіч Аляксандр Аляксандравіч (вёска Суцін, цяпер Пухавіцкі раён, Мінская вобласць) — беларускі фізік, доктар тэхнічных навук (1968), прафесар (1989).
1939 — Атрашкевіч Валерый Іосіфавіч (вёска Красная Горка, Ушацкі раён, Віцебская вобласць) — беларускі літаратуразнавец, кандыдат філілагічных навук (1979), дацэнт (1985).
1940 — Ярохін Анатоль Паўлавіч (вёска Каз-Рудаполле, цяпер Краснапольскі раён, Магілёўская вобласць) — беларускі журналіст, літаратар і выдавец. Выступаў пераважна ў жанрах ваеннай дакуметалістыкі і біяграфічнай літаратуры. Аўтар некалькіх дакументальных аповесцей, зборнікаў нарысаў, кніг і брашур. Памёр у 1995 годзе.
1952 — Байдак Валянцін Іванавіч (вёска Леднікі, Дзяржынскі раён, Мінская вобласць) — беларускі дзяржаўны дзеяч, міністр гандлю Рэспублікі Беларусь (16.01.1992-28.11.1994).
1957 — Абушэнка Уладзімір Леанідавіч (г. Пінск, Брэсцкая вобласць) — беларускі сацыёлаг і сацыяльны філосаф, кандыдат філасовскіх навук (1985), дацэнт (1991).
1961 — Спірыдовіч Алена Барысаўна (г. Мінск) — дыктар беларускага тэлебачання. Заслужаная артыстка Беларусі (1999).
1976 — Янчэўскі Усевалад Вячаслававіч (г. Барысаў, Мінская вобласць) — беларускі палітычны і грамадскі дзеяч, памочнік прэзідэнта, кіраўнік Галоўнага ідэалагічнага ўпраўлення Адміністрацыі прэзідэнта Беларусі (18.04.2008-), дырэктар адміністрацыі “Парка высокіх тэхналогій” (02.03.2017-).
1979 — Сумарава Кацярына Васілеўна (г. Мінск) — беларускі мастак-жывапісец. З 2000 года прымае ўдзел у міжнародных мастацкіх пленэрах Беларусі, Польшчы, Літвы, Славеніі, Японіі, Арабскіх Эміратаў і іншых краін. З'яўляецца дыпламантам і стыпендыятам Спецыяльнага фонду Прэзідэнта Рэспублікі Беларусь па падтрымцы таленавітай моладзі (2001, 2003). У 2001 годзе таксама атрымала Гран-пры Рэспубліканскага конкурса, прысвечанага 550-годзю з дня нараджэння Леанарда да Вінчы.

ПАМЕРЛІ:
1825 — Кагнавіцкі Казімір (г. Галіч, Україна) — святар, езуіт, гісторык, педагог, доктар філасофіі і вольных навук. Да 1781 г. выкладаў у Гарадзенскай ваяводскай (потым акруговай) школе адчыненай Адукацыйнай камісіяй замест езуіцкага калегіума. Зрабіў падарожжа ў Рым, якое апісаў у кнізе «Рымская дарога» (1783). Дзякуючы падтрымцы А.М.Сапегі, заняў пасаду трыбунальскага прапаведніка ў Гародні. З 1789 г. пры двары Сапегаў у Ружанах, дзе пачаў пісаць гісторыю іх роду на падставе фамільнага архіва. Гісторыя мела форму асобных біяграфій, усяго склаў 6 тамоў. У 1802 — 1807 гг. узначальваў рух па пераносе мошчаў блажэннага А.Баболі ў Полацк. З 1805 г. зноў у ордэне езуітаў. У 1805 — 1809 гг. намеснік рэктара калегіума ў Дынабургу, потым у Полацку, з 1811 г. узначальваў місійны дом у Хальчы. У 1814 г. адышоў ад спраў, жыў у Магілеве, дарадца рэктара і духоўны апякун калегіі. Пасля выгнання езуітаў з Расійскай імперыі (1820) выехаў у Ферару (Італія), потым жыў у Галіччыне.
1937 — Адамовіч Язэп Аляксандравіч (застрэліўся ў цягніку Уладзівасток-Масква, Расія) — беларускі дзяржаўны і партыйны дзеяч, адзін з актыўных дзеячаў палітыкі беларусізацыі ў БССР, старшыня Савета Народных Камісараў БССР (17.03.1924-07.05.1927).
1940 — Пазняк Янка (Ян Аляксандравіч) (г. Мінск, НКУС) — публіцыст, грамадскі, палітычны і культурны дзеяч беларускага нацыянальнага руху на Віленшчыне і ў міжваеннай Польскай Рэспубліцы, хрысціянска-дэмакратычны палітык, член кіруючых органаў шэрагу арганізацый. Дзед Зянона Пазняк. Вязень ГУЛагу.
1942 — Хейфец Мікалай (Калман) Захаравіч (г. Ташкент, Узбекістан) — беларускага паходжання расійскі трамбіст, дырыжор, кампазітар.
1954 — Сахараў Сяргей Пятровіч (г. Рыга, Латвія) — беларускі фалькларыст, этнограф, царкоўны гісторык, публіцыст, педагог. Вязень ГУЛагу.
1996 — Высагорац Міхаіл Амосавіч (пасёлак Шахаўская, Маскоўская вобласць, Расія) — вайсковец, капітан, удзельнік Другой сусветнай вайны, Герой Савецкага Саюза (1944).
1997 — Бяляеў Мікалай Рыгоравіч (г. Ужгарад, Закарпацкая вобласць, Украіна) — вайсковец, артылерыст, старшы сяржант, удзельнік Другой сусветнай вайны, поўны кавалер ордэна Славы.
1998 — Міраненка Аляксей Віктаравіч (г. Мінск) — беларускі вучоны ў галіне фізіялогіі і біяхіміі раслін, доктар біялагічных навук (1962), прафесар (1972). Заслужаны дзеяч навукі БССР (1981).
2005 — Рагуля Барыс Дзмітрыевіч (г. Лондан, правінцыя Антарыё, Канада)— беларускі палітычны і ваенны дзеяч, доктар медыцыны, дзеяч эміграцыі ў Бельгіі і Канадзе, член Рады БНР, член Камітэта дапамогі дзецям – ахвярам Чарнобылю. Вязень ГУЛагу.
2011 — Лагун Сяргей Леанідавіч (г. Новаполацк, Віцебская вобласць) — беларускі цяжкаатлет, чэмпіён свету (срэбра Каян-2009 і бронза Анталля-2010).
2012 — архіепіскап Арыстарх (свецкае імя Станкевіч Андрэй Еўдакімавіч) (вёска Асавецкая Буда, цяпер Мазырскі раен, Гомельская вобласць) — архіепіскап Гомельскі і Жлобінскі (28.07.1990-22.04.2012).
2013 — Вайцянкоў Мікалай Рыгоравіч (г. Гомель) — беларускі палітык і дыпламат, Надзвычайны і Паўнамоцны Амбасадар Рэспублікі Беларусь у Чэшскай Рэспубліцы і Славацкай Рэспубліцы па сумяшчэнню (01.01.1995-17.01.1997).
2017 — Мяльгуй Анатоль Мітрафанавіч (г. Мінск) — беларускі журналіст. Старшыня мінскага рок-клубу “Няміга” (1985-1988), музычны кансультант лэйбу “БМАgrup” з 1999, удзельнічаў у арганізацыі фестываляў «Тры колеры» (1986, 1988), выступаў як член журы на фестывалі «Lithuanica» (1986), удзельнічаў ва Усесаюзнай рок-канферэнцыі ў Свярдлоўску (1988). Разам з В. Мартыненкам аўтар музыказнаўчых кніг.
2019 — Грыцук (дзявочае Дуброўская) Вольга (г. Таронта, Канада) — грамадская дзеячка, старшыня Згуртавання беларускіх жанчын Канады, аўтарка кнігі “Мы стварылі сваю Беларусь, жонка Аляксея Грыцука.