НАРАДЗІЛІСЯ:
1660 — Завіша Крыштаф Станіслаў (вёска Горка, цяпер Дзятлаўскі раён, Гродзенская вобласць) — дзяржаўны дзеяч Рэчы Паспалiтай, староста чечэрскі (1684) і мінскі (1685), ваявода мінскі (1720-1721), пісьменьнік-мэмуарыст.
1758 — Булгак Язафат (Слонімскі раён, Гродзенская вобласць) — беларускі царкоўны дзеяч, дзевятнаццаты (апошні) уніяцкі мітрапаліт кіеўскі, галіцкі і ўсяе Русі (1817-23.02.1838). Супрацстаяў уладам Расійскай iмперыi ў справе ліквідацыі Грэка-Каталiцкай (Уніяцкай) Царквы. Ягоная смерць 25 лютага 1838 года зняла апошнюю перашкоду для скасаваньня Берасцейскай унii (1596).
1776 — Зражэўскі Васіль Іванавіч (г. Масква, Расія) — беларускі архітэктар, Магілёўскі губернскі архітэктар (1805-1812). Аўтар праектаў у Магілёве: праект астрога (1808), праект дома для рэктара і прэфекта (1808), праекты мураваных цэркваў. Праекта Троіцкага сабора (1810) у Мсціславе.
1834 — Жылінскі Іосіф Іпалітавіч (мястэчка Трокі, цяпер г. Тракай, Літва) — выенны геадэзіст і інжынер, генерал ад інфантэрыі, пачынальнік асушэння балот Палесся. За 25 гадоў працы было асушана 2,5 млн гектараў зямлі. Адначасова праводзіліся даследванні па вырошчанню розных культур. Памёр у 1916 годзе.
1900 — Клімовіч Адольф Юстынавіч (вёска Клюшчаны, цяпер Астравецкі раён, Гродзенская вобласць) — беларускі грамадскі дзеяч, журналіст, выдавец. Вязень ГУЛагу.
1908 — Шур Якаў Савельевіч (г. Дуброўна, Віцебская вобласць) — расійскі фізік, адзін з стваральнікаў Уральскай навуковай школы магнітолагаў, прафесар (1944), член-карэспандэнт Акадэміі навук СССР (1970).
1914 — Малышаў Фёдар Аляксандравіч (вёска Заполле, цяпер у межах вёскі Камаровічы, Петрыкаўскі раён, Гомельская вобласць) — партызан, вайсковец, капітан удзельнік Другой сусветнай вайны, Герой Савецкага Саюза (15.08.1944). Кандыдат тэхнічных навук.
1914 — Юдэлевіч Міхась (Міхаіл Львовіч) (г. Смалявічы, Мінская вобласць) — беларускі драматург, тэатральны крытык. Памёр у 1941 годзе.
1923 — Анішчанка Сяргей Пятровіч (вёска Сцяпы, цяпер Жлобінскі раён, Гомельская вобласць) — вайсковец, шараговы, удзельнік Другой сусветнай вайны, Герой Савецкага Саюза (24.03.1945, пасмяротна).
1924 — Александровіч Хасень Мустафавіч (г. Клецк, Мінская вобласць) — беларускі хімік, доктар хімічных навук, прафесар. Аўтар кнігі “Памяць” прысвечанай гісторыі татарскай грамады Клецка і даследвання “Белоруско-польские татары на перекрёстках ХХ столетия”.
1932 — Ніканчык Пётр Іванавіч (вёска Пудзіцкая Слабада, цяпер Пухавіцкі раён, Мінская вобласць) — беларускі вучоны ў галіне агранаміі, доктар сельскагаспадарчых навук (1987), прафесар (2005).
1935 — Лятун Уладзімір Міхайлавіч (вёска Смалінец, Уздзенскі раён, Мінская вобласць) — беларускі скульптар. Аўтар эскіза першай сучаснай беларускай дзяржаўнай ўзнагароды — медалю Ф. Скарыны (1989).
1936 — Байцоў Ігар Мікалаевіч (г. Яраслаўль, Расія) — беларускі архітэктар. Падтрымліваў ідэі беларускага адраджэння. Лічыў, што трэба хоць раз на дзень пагаварыць па-беларуску з рускамоўным суразмоўцам. Асноўныя працы: комплекс харчовых прадпрыемстваў у прамвузле “Дражня” ў г. Мінску (1972), піянерскі лагер “Дразды” Галоўгаза БССР ў Стаўбцоўскім раёне (1976), Музей Беларускага Палесся ў Пінску (1983-1986) і іншыя.
1943 — Голчанка Міхаіл Герасімавіч (вёска Плешчыцы, цяпер Шклоўскі раён, Магілёўская вобласць) — беларускі вучоны ў галіне меліярацыі, кандыдат тэхнічных навук (1991), прафесар (1992). Заслужаны работнік народнай адукацыі БССР (1990).
1944 — Лецка Яўген Рыгоравіч (вёска Пабрэззе, Навагрудскі раён, Гродзенская вобласць) — беларускі пісьменнік, крытык, літаратуразнавец. Кандыдат філалагічных навук (1980).
1946 — Кошаль Пётр Агеевіч (г. Слуцк, Мінская вобласць) — расійскі празаік, гісторык, перакладчык, журналіст.
1951 — Шчарбакоў Васіль Васілевіч (вёска Казімірова, Полацкі раён, Віцебская вобласць) — вайсковец, лётчык, удзельнік савецка-аўганскай вайны (1979-1989), Герой Савецкага Саюза (28.04.1980).
1952 — Кожар Ніна Уладзіміраўна (г. Гродна) — беларускі архітэктар і тэарэтык архітэктуры, доктар архітэктуры (2003), прафесар (2005).
1954 — Баранава Алена Уладзіміраўна (г. Гродна) — беларускі палітолаг, доктар палітычных навук (2001), прафесар (2004).
1956 — Ісачанка Уладзімір Паўлавіч (пасёлак Касцюкоўка, цяпер у складзе г. Гомель) — беларускі мастак. Працуе ў станковым жывапісе, у жанрах пейзажа, нацюрморта, партрэта, кніжнай графікі.
1957 — Сільнова Людка (Людміла Данілаўна) (г. Маладзечна, Мінская вобласць) — беларуская паэтэса, крытык, перакладчык, мастак.
1966 — Дубянецкі Эдуард Станіслававіч (вёска Чудзін, Ганцавіцкі раён, Брэсцкая вобласць) — беларускі гісторык, культуролаг, паэт, эсеіст, крытык. Кандыдат гістарычных навук (1995).
1985 — Казлоў Уладзімір Уладзіміравіч (г. Васілевічы, Рэчыцкі раён, Гомельская вобласць) — беларускі лёгкаатлет (кіданне дзіды). Залаты медаль кубка Еўропы 2016 года.
1990 — Якубоўская Алеся (г. Ліда, Гродзенская вобласць) — беларуская паэтэса.

ПАМЕРЛІ:
1799 — Гумкоўскі Станіслаў (г. Полацк, Віцебская вобласць) — езуіцкі місіянер, выкладаў рыторыку, паэтыку і гісторыю ў Слуцку (1767-1768), полацкі пракуратар (1776-1777 і 1782-1783), вандроўны місіянер (1784-1795), памочнік магістра навіцыяту (1795-1799).
1806 — Лянкевіч Алаіз (г. Полацк, Віцебская вобласць) — каталіцкі святар, езуіт, педагог, выкладаў інфу і рыторыку ў Мсціслаўскім (1791-1795) і рыторыку і паэтыку ў Магілёўскім (1795-1796) езуіцкіх калегіумах. Аперарыюш у езуіцкай рэзідэнцыі ў Пушы (1800-1802). Апошнія гады жыцця працаваў у Полацкай друкарні: спачатку як друкар (1802-1805), а потым і як яе прэфект (1805-1806).
1836 — Кандраў Якуб (г. Цярнопаль, Украіна) — каталік заходняга абраду, езуіт, педагог, прафесар Полацкай езуіцкай акадэміі.
1886 — Акінчыц Аляксандр (г. Парыж, Францыя) — лекар, публіцыст, мемуарыст. Удзельнік паўстання 1863 года асуджаны на 12 гадоў катаргі. Выступаў з публікацыямі ў прэсе. Напісаў мемуары «Успаміны з побыту ў Расіі ў 1863 г.», якія доўгі час захоўваліся ў архіве сям'і, а пасля былі апублікаваны на французскай мове.
1910 — Палуян Сяргей Епіфанавіч (г. Кіеў, Украіна) — беларускі публіцыст, празаік, літаратуразнавец, крытык. Свой адзіны зборнік «Вянок» яму прысвяціў Максім Багдановіч, пазначыўшы, што гэта вянок на магілу Сяргея Палуяна. Пахаваны на Байкаўскіх могілках у Кіеве (Украіна).
1943 — Брэслаў Барыс Абрамавіч (НКУС, г. Масква, Расія) — удзельнік рэвалюцыйнага руху, публіцыст. З 1918 года — сакратар Віцебскага губкама РСДРП(б) — РКП(б). З чэрвеня 1918 года — на партыйнай і савецкай рабоце ў Віцебску, Маскве. У 1924—1925 гадах — на савецкай, гаспадарчай і ды-пламатычнай рабоце. Член ВЦВК у 1918—1919 гадах. З 1930 года працаваў намеснікам паўпрэда ў Францыі. Вязень ГУЛагу.
1945 — Сурначоў Мікола (Мікалай Мікалаевіч) (пад Бярлінам, Германія) — беларускі паэт. Нарадзіўся ў снежні 1917 годзе у вёсцы Слабада, цяпер Рагачоўскі раён, Гомельская вобласць.
1952 — Раўчакоў Фёдар Фёдаравіч (г. Ленінград, цяпер г. Санкт-Пецярбург, Расія) — вайсковец, пяхацінец, старшы лейтэнант, удзельнік Другой сусветнай вайны, Герой Савецкага Саюза (1945). Пахаваны ў вёсцы Буткава Лужскага раёна Леніградскай вобласці.
1979 — Ткачоў Мікалай Гаўрылавіч (г. Мінск) — беларускі пісьменнік і журналіст.
1984 — Місюль Васіль Аляксеевіч (г. Іст-Брансуік, штат Нью-Джэрсі, ЗША) — дзеяч беларускай эміграцыі ў Германіі і ЗША. Чалец управы сабору святога Кірылы Тураўскага ў Брукліне. Вядомы сваім выступам у 1954 годзе ў Кангрэсе ЗША са сведчаннямі злачынстваў савецкай улады ў Вілейскай турме ў 1941 годзе.
1990 — Герасімовіч Пётр Мікалаевіч (г. Мінск) — беларускі мастак-графік і мастацтвазнавец. Творчыя работы выконваў пераважна ў тэхніцы лінагравюры і экслібрысу. Аўтар прац па беларускаму выяўленчаму мастацтву: «Изобразительное искусство Белорусской ССР» (у сааўтарстве, М. 1957), «Дзяржаўны мастацкі музей БССР» (у сааўтарстве, Мн. 1976), «Нацюрморт» (Мн. 1982), «Мастацтва, народжанае Кастрычнікам», манаграфіі пра мастакоў Я. А. Зайцава (М. 1958) і А. М. Тычыну (Мн. 1961).
1997 — Нікалаеў Уладзімімр Аляксандравіч (г. Брэст) — беларускі мастак. Працаваў у галіне манументальна-дэкаратыўнага і станковага жавапісу (вітраж, сграффіта, фрэска, мазаіка) і мастацкага праектавання, комплекснага афармлення адміністрацыйных будынкаў, пісаў сюжэтна-тэматычныя карціны, пейзажы, нацюрморты.
2003 — Свярдлова Роза Міронаўна (г. Санкт-Пецярбург, Расія) — беларуская і расійская актрыса, педагог. Заслужаная артыстка БССР (1935).
2005 — Пруднікаў Іван Савельевіч (г. Масква, Расія) — беларускага паходжання расійскі канструктар ракетна-касмічнай тэхнікі, доктар тэхнічных навук (1958), адзін з галоўных удзельнікаў савецкіх пілатуемых месяцовых праграм.
2019 — Русак Уладзімір Сцяпанавіч (г. Баранавічы, Брэсцкая вобласць) — беларускі публіцыст, праваслаўны святар, протадзьякан, дысідэнт, палітвязень асуджаны за “антысавецкую агітацыю і прапаганду” на 7 гадоў 10.09.1986 года.