dartli werlar va xkoyalarﻇﻌﻌﻌﻆ

Уйланиш вақтим келди, онам бир қизни кўз остиларига олиб қўйган эканлар, онамга у ёқар, оиласи хурматли, ва жуда яхши экан. Мен хам у қизни кўрдим мастура экан, коринишидан шаръий илмга эга эди, онам у қиз билан гаплашиб мен хақимда кўп гапириб берган эканлар. Учрашдик. У қиз мендан Қуръондан қанча ёдлагансиз деб сўраб қолди. Мен: ишим жуда хам кўп, вақтим кам бўлганлиги учун жуда хам кам хифз қилганман, биламан бу менинг нуқсоним лекин ишлаш хам керак дедим, ва сездимки у менга рад жавобини беради ва рози бўлмайди . . . Мен хам ундан сиз қанча ёдлагансиз деб сорадим ва "Амма" порасини деган жавобни олдим. Шу тариқа сухбатимиз тугагач мен ўйладимки у қиз менга ўз розилигини бермайди. Лекин бир муддат ўтгач у қиз рози эканлиги ва хадяларни қабул қилганлиги, унга менинг ахлоқим ёқганлиги учун розилик берганлиги мени ажаблантирди. Унаштириш маросими, тўй ва асал ойи тугагач мен ўз ишимга қайтдим. Кунлардан бир куни у олдимга келиб, Марям сурасини ёдлаб беришимни сўради. Мен ажабландим чунки бу сурани ёдламаганимни у билар эди. Мен бу сурани ёдламаганман дедим, шунда у , мен учун шу сурани ёдлашингизни хохлайман деди, мен рози бўлдим чунки бу ишим билан уни жуда хам хурсанд қилишимни сездим. Шундан сўнг ёдлашни бошладим иккаламиз бу сурани ёдлаб тугатдик. Шундан сўнг энди Юсуф сурасини ёдлаймиз деб таклиф киритди мен рози бўлдим, шу тариқа икки йил ичида Қуръонни тўлиқ ёд олдим. Сўнгра у мени Бухорийнинг хадис топламини ёдлашни бошлаймизми?- деб мени шижоатлантирди, мен хоп дедим. Кунларнинг бирида мен унга билдирмасдан қайнотамнинг олдиларига бориб аёлим шаръий илмни қанчалик билишини сўрадим? Қайнотам аёлимни Қуръонни тўлиқ ёд олган, Бухорий ва Муслим ларнинг хадис тўпламларини хам хифз қилганлигини ва бир қанча курсларни битирганлигини айтдилар. Мен жуда хам ажабландим чунки ўша вақтда мен сўраганимда у менга фақатгина "Амма" порасини ёдлаганлиги хақида айтган эди . . . Сўнгра қайнотам менга курслардан олинган дипломларни ва мусобақалардан олинган фахрий ёрлиқларни олиб чиқип бердилар. Мен уйга қайтиб аёлимга юзландим. У менга қараб агарда мен сизга ўша вақтда Қуръонни тўлиқ ёдлаганлигимни айтанимда сиз мени ўта яхши экан деб ўйлар эдингиз, лекин мен бундай қилмадим ва сиз аёлим хам мени ёдлашимдан шижоатланиб мен билан бирга ёдлади деган фикрга бордингиз деди . . . Мен ўша куни билдимки, Солиха жуфти халол нафақат уйимнинг бойлиги, балки жаннатимнинг бойлиги хам экан . . . ! ! !